န.က.သ ခေါ် မြဝတီကုန်သွယ်ရေးဇုံသည် မြန်မာနိုင်ငံ၏ အဓိကနယ်စပ် ကုန်သွယ်ရေးလုပ်ငန်း အမှတ်(၂) အဆင့် ရှိသည်။ ထိုကုန်သွယ်ရေးဇုံသည် ထိုင်း-မြန်မာနယ်စပ် မဲဆောက်-မြဝတီဒေသတို့၏ အဓိက ကုန်သွယ်ရေးလမ်းကြောင်းဖြစ်ပြီး ဇုံတာ ဝန်ခံအဖြစ် ဦးစီးဆောင်ရွက်သူမှာ ယခင် မြန်မာတပ်မတော်မှ ဗိုလ်မှူးအဆင့်ရှိ န.က.သ နယ်စပ်ကုန်သွယ်ရေး ညွန်ကြားရေး မှူး ဦးအောင်စိုးသိန်း ဖြစ်သည်။ ညွန်မှူးဦးအောင်စိုးသည် နယ်စပ်ကုန်သွယ်ရေးတွင် လုပ်ကို်င်သွားလာနေသည့် ကုန်သည်များ ၏ တရားမဝင် ၁၂ဘီးကားဖြင့် သယ်ဆောင်လာသော ကုန်ပစ္စည်းများအပေါ် မူတည်ပြီး ငွေတောင်းခံနေပါသည်။
နိုင်ငံတော် က တားမြစ်ကုန်အဖြစ် သတ်မှတ်ထားသည့် စားဆီပုံးများနှင့် ဆားများကို ကားပေါ်တွင် အပေါ်မှဖုံးအုပ်ကာ ပြည်တွင်းသို့ တရားမဝင် သယ်ဆောင်နေသည်မှာ နိုင်ငံတော်စီးပွားရေး ပုန်ကန်မူပင် ဖြစ်သည်။ ထိုသယ်ဆောင်မှုများကို ညွန်မှူး၊ ဒုညွန်မှူး တို့က မသိချင်ဟန်ဆောင်ထားကြသည်။ ခြောက်ဘီး-မှန်လုံ-ဆယ်ဘီး-ဆယ့်နှစ်ဘီး ကားများကို ဒဏ်ဂျူတီဆောင်ခ ကျပ် ၂သိန်းမှ ၅သိန်းအထိ ညွန်မှူးမှ တိုက်ရိုက်တောင်းခံနေကြောင်း နယ်စပ်မှ အကောက်ခွန်ဌာနကတဆင့် သိရသည်။ K.N.U/ K.N.L.A ငြိမ်းချမ်းရေးအဖွဲ့များ ထိုသို့လုပ်လာလျှင် ဒဏ်ဂျူတီဆောင်ထားသော်လည်း ညွန်မှူး၊ ဒုညွန်မှူးနှင့် ညွန်မှူးအဖွဲ့ အကောက်ခွန် အရာရှိများထံ သီးသန့် ထပ်မံ ပေးနေရသည်ကို ကျနော် ကိုယ်တိုင်မြင်တွေ့ခဲ့ရသည်။
နိုင်ငံတော်အစိုးရ၏ စီးပွားရေးစီမံချက်ကောင်းသော်လည်း ဌာနဆိုင်ရာ တာဝန်ခံများကတော့ မိသားစုချမ်းသာ ဖို့အတွက် ဝန် ကြီးအဆင့် ခေါင်းဆောင်ပိုင်းများနှင့် မီးသေအပိုင်ပေါင်းကာ ကြိုက်သလို လုပ်စားနေကြသည်။ ပြီးခဲ့သည့်လက ပဲခူးတွင် တိမ်းမှောက်သွားသည့် ဆယ့်နှစ်ဘီးကားတွင် လိုင်စင်မဲ့ကားများနှင့် ဆားများကို သယ်ဆောင်နေသည့် မြဝတီမြို့မှ ကုန်သွယ် ကြီးတစ်ဦး၏နေအိမ်သို့ ညွန်မှူးက ညဘက်တွင် ငွေလာတောင်းလေ့ ရှိသည်။ ပြည်တွင်းမှ တင်ပို့လာသော ဆန်တအိတ်ကို ဂျူတီခ ၁၅၀၀ပေးရပြီး အိတ် ၅၀ဝပါလျှင် ၂၀ဝအတွက်သာ ဂျူတီခဆောင်ကြကာ ကျန်ဆန်အိတ်များအတွက် ညွန်မှူးကို ဂျူတီခ ကြည့်ပေးရသည်ဟု သိရသည်။
၎င်းညွန်မှူးကို မြဝတီမြို့ ဈေးကြီးအနီးရှိ ကားပိုင်ရှင် ဂျမားဆိုသူ ကုလားကတော့ အပိုင်ဆုံးဖြစ်သည်။ သူ၏ကားဆိုလျင် ပြောစရာမရှိအောင် open လွှတ်ပေးလေ့ရှိသည်။ ညွန်မှူးဦးအောင်စိုးသိန်းသည် ဖေါ်ပြ ပါ တရားမဝင် ကန့်သတ်ကုန်နှင့် လိုင်စင်မဲ့ကားများ၏ ဖြတ်သန်းသယ်ဆောင်ခဖြင့် တနေ့လျှင် ကျပ်သိန်း ၁၀၀ကျော် အထိ ဝင်ငွေရှိသည်။ ဤသည်ကို အထက်သို့ မတိုင်တန်းနိုင်အောင် ကုန်သွယ်ရေးဇုံရှိ ဒီကေဘီအေနှင့် ငြိမ်းချမ်း ရေးအဖွဲ့များ အပါ အဝင် စသုံးလုံး SB ရဲခရိုင်ရဲများနှင့် နယ်မြေခံ ခ.ရ.ကတို့ပါ ယာဉ်တန်းအဆင်းတွင် အခွန်လွတ် လိုင်စင်မဲ့ ကားနှင့် ကုန်ပစ္စည်း ပါ ဆယ်ဘီးကားတို့ ဇုံမှ နားလည်မှု ပြုလုပ်နေကြောင်း သိရှိရပါသည်။
ကျနော်တို့အဖွဲ့က ကာစတန် ခေါ် အကောက်ခွန်အဖွဲ့ ဆိုသော်လည်း ဇုံတွင် တာဝန်သာရှိပြီး လုပ်ပို်င်ခွင့် အာဏာ မရှိဘဲ ညွန်မှူးမခိုင်းလျှင် မလုပ်ရဲ မပြောရဲ ဖြစ်နေသည်။ ယခုလို ကြာရှည်ပြုလုပ်နေလျှင် အကောက်ခွန်အဖွဲ့မှာ အခွံသာကျန်ပြီး အသားများကိုတော့ ညွန်မှူးမှ ကောင်းကောင်းစားနေကြောင်း အများသိအောင် တင်ပြလိုက်ရပါ သည်။
မြဝတီမှ မျှတစေလိုသူ
