ဇူလိုင် ၂၈၊ ၂၀၂၅ခုနှစ်။ ကေအိုင်စီ
ထိုင်းနိုင်ငံ၊ ဘန်ကောက်မြို့ ချတူချက်ခရိုင်အတွင်းက အောတောကောဈေးတွင် ယနေ့ ဇူလိုင်လ ၂၈ရက် နံနက် ပစ်ခတ်မှုကြောင့် သေဆုံးသူ ၅ ဦး အထိရှိခဲ့ပြီး သေနတ်သမားလည်း ထိုနေရာတွင်ပင် မိမိကိုယ်ကို အဆုံးစီရင်သွားခဲ့သည်။
အဆိုပါ ပစ်ခတ်မှုအတွင်း သေဆုံးခဲ့သူများတွင် လုံခြုံရေးဝန်ထမ်း ၄ ဦး၊ အမျိုးသမီးဈေးသည် ၁ ဦးပါဝင်ပြီး အခြားအမျိုးသမီး ၂ ဦးလည်း ထိခိုက်ဒဏ်ရာရထားသည်။
နခွန်ရချဆီမာဒေသခံဖြစ်သည့် အသက် ၆၁ နှစ်အရွယ် ထိုင်းနိုင်ငံသား သေနတ်သမားကိုလည်း ဈေးခုံတန်းတစ်နေရာပေါ်တွင် သေဆုံး လျက်တွေ့ရှိပြီး ပစ်ခတ်ရသော အကြောင်းအရင်းကို မသိရသေးပေ။
ဈေးအနီးတဝိုက် မျက်မြင်သက်သေများရိုက်ကူးထားသော ဗီဒီယိုဖိုင်ရုပ်သံများအတွင်း ဈေးရုံအတွင်း လုံခြုံရေးဝန်ထမ်းများ သေဆုံးသော ရုပ်အလောင်းများကို တွေ့ရှိရသည်။
ပစ်ခတ်မှုမှာ ယနေ့နံနက် ၁၂ နာရီ ၃၈ မိနစ်ခန့်တွင် ဖြစ်ပွားခဲ့ခြင်းဖြစ်ပြီး ဖြစ်စဥ်အသေးစိတ်ကို ရဲတပ်ဖွဲ့က စုံစမ်းနေသည်ဟု သိရသည်။
တဖက်တွင်လည်း အမေရိကန်သမ္မတဖိအားပေးခြင်းကြောင့် ထိုင်း-ကမ္ဘောဒီးယားနယ်စပ် အငြင်းပွားမှုပြဿနာကို အဖြေရှာရန် သက်ဆိုင်ရာနိုင်ငံအစိုးရများ၏ ခေါင်းဆောင်များက ကွာလာလမ်ပူမြို့တွင် ယနေ့ ထိုင်းစံ တော်ချိန်နေ့လည် ၂ နာရီ (မလေး ၃ နာရီ)စကာ အစည်းအဝေးတစ်ရပ်ကျင်းပနေသည်။
ကိုးကား Bangkok Post
