မတ် ၁၇ရက်၊ ၂၀၂၅ ခုနှစ်။ ကေအိုင်စီ
ရှမ်းပြည်နယ်မြောက်ပိုင်း၊ တအောင်းတပ် ထိန်းချုပ်ထားသည် နောင်ချိုင်မြို့နယ်ရှိ စိန်ရတနာ ပရိယတ္တိ စာသင်တိုက်ကို စစ်ကောင်စီက မတ် ၁၇ ရက်နေ့ ညနေ ၅ နာရီခွဲ အချိန်တွင် ဂျက်တိုက်လေယာဉ်ဖြင့် ပေါင် ၂၅၀ ဗုံး ၄ လုံးကြဲချခြင်းနှင့် စက်သေနတ်များဖြင့် ပစ်ခတ်တိုက်ခိုက်ခဲ့ရာ သံဃာတော်နှင့် ပြည်သူ ၉ ဦး သေဆုံးသွားသည်ဟု TNLA က ပြောသည်။
အဆိုပါ ဗုံးကျရောက်ပေါက်ကွဲမှုကြောင့် ၎င်းစာသင်တိုက်အတွင်းရှိသော ရဟန်း (၂)ပါးနှင့် သာမဏေ (၄)ပါး၊ အမျိုးသား (၁)ဦးနှင့် အမျိုးသမီး (၂)ဦးအပါအဝင် စုစုပေါင်း (၉)ဦး ဗုံးစထိမှန်ပြီး သေဆုံးသွား ခဲ့သည်ဟု တအာင်းအမျိုးသားလွတ်မြောက်ရေး တပ်မတော်(TNLA)မှပြောဆိုထားသည်။
ထို့အပြင် သံဃာတော် (၁၃)ပါး၊ ဒေသခံပြည်သူစုစုပေါင်း(၄)ဦး ထိခိုက်ဒဏ်ရာရရှိခဲ့ပြီး ပြည်သူပိုင် နေအိမ်နှင့် ဘုန်းကြီးကျောင်းဆောင်အများအပြားလည်း ထိမှန်ပျက်စီးခဲ့သည်။ ထိခိုက်ဒဏ်ရာ ရရှိသည့် လူနာများကို ပလောင်ပြည်နယ် လွတ်မြောက်ရေးတပ်ဦး PSLF/TNLAတပ်ဖွဲ၏ တာဝန်ရှိသူများနှင့် ပြည်သူများမှဝိုင်းဝန်းပြီး ဆေးကုသရန် ပိုဆောင်ပေးခဲ့သည်ဟု သိရသည်။
စစ်ကောင်စီက တိုက်ပွဲ ဖြစ်ပွားခြင်းမရှိသော်လည်း အရပ်သားများကို ရည်ရွယ်ချက်ရှိရှိ ဦးတည် ဗုံးကြဲ တိုက်ခိုက်သည့် နေသည့်အတွက် ဒေသခံများအနေဖြင့် စစ်ကောင်စီ၏ ဗုံးကြဲတိုက်ခိုက်မှုများ ရှောင်ရှား နိုင်ရန်၊ စစ်ရေးသတိအမြဲရှိရန်လိုအပ်ပြီး လေကြောင်းရန်မှ ကာကွယ်နိုင်ရန်၊ လေကြောင်းရန် ကာကွယ် ရေးဆိုင်ရာနည်းလမ်းများ လိုက်နာဆောင်ရွက်ရန် လိုအပ်သည်ဟု TNLA က သတိပေးပြောဆို သည်။
