Home သတင်း ကရင်‌ရေးရာဝန်ကြီး ‌နော်ပန်းသဉ္ဇာမျိုး ထိန်းသိမ်းခံထားရပြီး မိသားစုနှင့် အဆက်အသွယ်ပြတ်

ကရင်‌ရေးရာဝန်ကြီး ‌နော်ပန်းသဉ္ဇာမျိုး ထိန်းသိမ်းခံထားရပြီး မိသားစုနှင့် အဆက်အသွယ်ပြတ်

1569

‌ဖေ‌ဖော်ဝါရီ ၁ရက်၊ ၂၀၂၁ ခုနှစ်။ ‌ကေအိုင်စီ

ရန်ကုန်တိုင်း‌ဒေသကြီး ကရင်တိုင်းရင်သား လူမျိုး‌ရေးရာဝန်ကြီး ‌နော်ပန်းသဉ္ဇာမျိုးသည် ရန်ကုန်တိုင်း‌ဒေသကြီး အစိုးရအဖွဲ့ဝင် ဝန်ကြီးများနှင့်အတူ အဖမ်းခံထားရပြီး ယ‌နေ့ ည‌နေ ၆ နာရီအထိ မိသားစုနှင့် အဆက်အသွယ် မရ ဖြစ်‌နေသည်ဟု သူမနှင့်အတူ‌နေ မိသားစုထံမှ သိရသည်။

ကရင်‌ရေးရာဝန်ကြီး‌နော်ပန်းသဉ္ဇာမျိုးကို ‌ဖေ‌ဖော်ဝါရီ ၁ ရက်‌နေ့ နံနက် ၆ နာရီခန့်တွင် ရန်ကုန်တိုင်း‌ဒေသကြီး အစိုးရ အဖွဲ့ဝင်များ ‌နေထိုင်သည့် ပန်းဝါလမ်းရှိ‌နေအိမ်၌ တပ်တာဝန်ရှိသူများက လာ‌ရောက်‌ခေါ်‌ဆောင်ကာ ထိန်းသိမ်းထားခြင်းဖြစ်သည်။

“ မနက်၆ နာရီ‌လောက်က ပန်းဝါလမ်းက အိမ်မှာလာ‌ခေါ်သွားတာ။ အခုချိန်ထိ‌တော့ အဆက်အသွယ်မရ‌သေးဘူး” ဟု ဝန်ကြီးနှင့် အတူ‌နေထိုင်သူ တဦးကအတည်ပြု ‌ပြောသည်။

ဝန်ကြီး ‌နော်ပန်းသဉ္ဇာမျိုးသည် လက်ရှိ ရန်ကုန်တိုင်း‌ဒေသကြီး ကရင်စာ‌ပေနှင့် ယဉ်‌ကျေးမှု‌ကော်မတီ ဥက္ကဋ္ဌ အဖြစ်တာဝန်ယူထားသူဖြစ်ကာ ပြီးခဲ့သည့် ၂၀၂ဝ ‌ရွေး‌ကောက်ပွဲတွင် ပါဝင်ယှဉ်ပြိုင်ခြင်းမရှိဘဲ အစိုးရ သက်တမ်း ကုန်ဆုံးလျှင် ဝန်ကြီးအဖြစ်မှ အနားယူသွားမည့်သူလည်း ဖြစ်သည်။ မကြာ‌သေးမီက ရန်ကုန်‌တောင်ပိုင်းခရိုင်နှင့် ‌မြောက်ပိုင်းခရိုင် ကရင်စာ‌ပေနှင့် ယဉ်‌ကျေးမှု‌ကော်မတီများက နှုတ်ဆက်ပွဲ အသီးသီးပြုလုပ်‌ပေးခဲ့သည်။