မတ်လ ၂၄ရက်၊ ၂၀၂ဝ ပြည့်နှစ်။ ကေအိုင်စီ
ကရင်ပြည်နယ်ဖားအံမြို့တွင်းရှိ ရတနာမြေ(၁) ဓာတ်ဆီဆိုင်ကို ယနေ့ ညနေ ၄နာရီခွဲကျော်တွင် မီးလောင်မှုဖြစ်ပွားသည်ဟု သတင်းရရှိသည်။
အဆိုပါ မီးလောင်မှုတွင် ဓာတ်ဆီဆိုင်မှ ဓာတ်ဆီသိုလှောင်သည့် နေရာမှ တစ်ဆင့် မီးစလောင်ကျွမ်းခဲ့ခြင်းဖြစ်သည်ဟုလည်း အနီးနားတွင် နေထိုင် သူများက ခန့်မှန်းပြောဆိုနေကြသည်။
ဓာတ်ဆီဆိုင်အနီးနေထိုင်သူ စောလွမ်းက “မီးလောင်တာက ၅ နာရီမထိုး ခင်အချိန်မှာ မီးကကြီးတော့ အနီးကပ် မသွားကြည့်ရဲ အိမ်နဲ့လည်း မနီးမဝေးဆိုတော့ အဝေးကနေကြည့်တယ်။ မီးခိုးစထွက်တဲ့နေရာက အနောက်မှာ ကားဆိုင်ကယ် ဆီထည့်တဲ့ နေရာမဟုတ်ဘူး။ မီးကတော် တော်ကြီးတယ် ။ ဓာတ်ဆီ တိုင်ကီပေါက် တာလားမသိဘူး ။ ပေါက်ကွဲသံ တွေ လည်းကြားရတယ်။ ဓာတ်ဆီဆိုင်အနောက်မှာ အိမ်တွေရှိသေးတယ် တယ်။ အိမ်တွေကမီးကူးလားမကူးလားတော့ သေချာမသိသေးဘူး။ အခု ၅နာရီကျော်အထိ မီးငြိမ်းနေတုန်းပါပဲ”ဟု ကေအိင်စီသို့ ပြောသည်။
အဆိုပါ ဓာတ်ဆီဆိုင်မီးလောင်သည့်အနီးအနား ခေါင်းရင်း ကပ်ရပ်တွင် လည်း ရတနာမြေ (၂) ဓာတ်ဆီဆိုင်ရှိသေးသလို တောင်ဘက် မျက်နှာချင်းဆိုင် လမ်းမကြီး အကျော်ဘက်တွင်လည်း Denko ဓာတ်ဆီဆိုင်ကြီး တစ်လုံးရှိသေးသည်ဟု သိရသည်။