Home အယ်ဒီတာ့အာဘော် မျိုးဆက်သစ်လူငယ့်အားကို ဂုဏ်ပြုလိုသည် (အယ်ဒီတာ့ အာ‌ဘော်)

မျိုးဆက်သစ်လူငယ့်အားကို ဂုဏ်ပြုလိုသည် (အယ်ဒီတာ့ အာ‌ဘော်)

1539

အယ်ဒီတာ့ အာ‌ဘော်

ဩဂုတ်လအတွင်း ကရင့်အမျိုးသားအ‌ရေးအရာများကို ပြန်ကြည့်လျှင် လှုပ်လှုပ်ခတ်ခတ်ရှိ‌နေသည်။ ‌ရွေး‌ကောက်ပွဲ နီးလာသည်နှင့်အမျှ ကရင်ပါတီတို့ ပြင်ဆင်မှုအသီးသီး လုပ်‌ဆောင်‌နေသလို ကရင့်အာဇာနည်‌နေ့ကိစ္စ၊ ထို့အပြင် ငြိမ်းချမ်း‌ရေးခရီးမှတ်တိုင်တစ်ခုအဖြစ် ၂၁ပင်လုံတွင် ပြည်‌ထောင်စု သ‌ဘောတူစာချုပ် တတိယအပိုင်း ချုပ်ဆိုမှု အ‌ရေးအရာများ လွှမ်းမိုး‌နေသည်။

အဆိုပါ အ‌ကြောင်းအရာများကို သုံးသပ်ကာ ကရင်သတင်းစဉ် ‌ခေါင်းကြီးပိုင်း‌ရေးရန် အမျိုးမျိုး စဉ်းစားမိ‌သော်လည်း အာရုံထဲသို့ ကနဦး‌ပေါ်လာသည်မှာ သွားလာလှုပ်ရှား‌နေသည့် ကရင်လူငယ်တို့၏ ပုံရိပ်ဖြစ်သည်။ ဩဂုတ်လအတွင်း ကရင့်အ‌ရေးအရာများကို ပုံ‌ဖော်ကြသူများထဲတွင် ကရင်လူငယ်များ ‌ရှေ့ဆုံးမှ ဦး‌ဆောင်‌နေကြသည်ကို အထင်အ ရှား ‌တွေ့ရှိရသည်။

အလားတူ ရန်ကုန်မြို့တွင် နှစ် ၇ဝပြည့် ကရင်အမျိုးသား အာဇာနည်‌နေ့ကို ကရင်လူငယ်တို့ ဦး‌ဆောင်ကျင်းပခဲ့ သည်။ ထို့အတွက် ကရင်လူငယ်နှစ်ဦးဖြစ်သည့် စသိန်း‌ဇော်မင်းနှင့် ‌စောဆာကွာလာတို့ အဖမ်းခံရသည်။ စသိန်း‌ဇော် မင်းဆိုလျှင် အိမ်မဲမြို့နယ်ရှိ မိဘများထံပင် ရဲတပ်ဖွဲ့က ဖိအား‌ပေးခြင်းကို ခံခဲ့ရ‌သေးသည့်တိုင် ကရင်အမျိုးသား အာဇာနည်‌နေ့အတွက် လှုပ်ရှားမှုအမျိုးမျိုးကို ကရင်လူငယ်တို့ ‌ရှေ့တန်းက လုပ်‌ဆောင်ခဲ့သည်ပင်။

ပါတီနိုင်ငံ‌ရေး နယ်ပယ်တွင်လည်း မျိုးဆက်သစ် ကရင်လူငယ်များ အများအပြား ပါဝင်လာသည်။ ပြည်နယ်အ‌ခြေ စိုက်‌သော်လည်း‌ကောင်း၊ ပြည်နယ် ပြင်ပအ‌ခြေစိုက် ကရင်ပါတီများထဲတွင်‌သော်လည်း‌ကောင်း ကရင်လူငယ်ကိုယ် စားလှယ်‌လောင်း အသီးသီး ‌ပေါ်ထွက်လာကာ ‌ရွေး‌ကောက်ပွဲဝင်‌တော့မည်ဖြစ်သည်။ ‌ရွေး‌ကောက်ပွဲနိုင်ခြင်း၊မနိုင် ခြင်းထက် ကရင်လူငယ်တို့ ပါတီနိုင်ငံ‌ရေး အ‌တွေ့အကြုံ‌ကောင်းကို ရမည်မလွဲ။

ထို့အပြင် အစဉ်အလာရှိ‌သော ဖန်း‌ဖောင်‌ဒေးရှင်းကလည်း ၂၀၁၉ခုနှစ်အတွက် ပဒိုမန်းရှာလူငယ်‌ခေါင်း‌ဆောင်ဆုကို ပညာ‌ရေးဖွံ့ဖြိုး‌အောင် လှုပ်ရှား‌ပေးသူ ကရင်ပညာ‌ရေးနှင့် ယဉ်‌ကျေးမှုဌာနမှ ‌စောဆာ‌နေ‌သောကို ချီးမြှင့်ခဲ့သည်ကို ‌တွေ့ရသည်။ အလှမ်း‌ဝေးသည့် ‌ကျေးလက်‌ဒေသ ပညာ‌ရေးအတွက် ကိုယ်ကျိုးစွန့် လုပ်ကိုင်‌နေသည်မှာ ‌လေးစား အတုယူစရာ ‌ကောင်းလှသည်။ ထိုဆုကို ရရှိထားသူ နယ်အသီးသီးမှ ကရင်လူငယ်‌ပေါင်း (၁၃)ဦး ရှိ်ပြီဖြစ်သည်။

ဩဂုတ်လအတွင်း ကရင်လူငယ်ကွန်ရက် အစည်းအ‌ဝေးအပြီး၌ ကရင်ပါတီများကို ကရင်လူငယ်များက ဝန်းရံသွား မည်ဟု ထုတ်ပြန်ခဲ့ပြီး အခြားတဖက်တွင်မူ တပ်ချုပ်နှင့် ‌တွေ့ဆုံခဲ့သည့် ပါတီများအ‌ပေါ် အားမလို အားမရ ‌ထောက်ပြ ‌ဝေဖန်မှုများကိုလည်း လူမှုကွန်ရက်စာမျက်နှာ‌ပေါ်တွင် ‌တွေ့ရသည်။

စင်စစ် ကရင်လူငယ်များကသာ ကရင့်အမျိုးသား‌ရေးတာဝန်ကို ထမ်း‌ဆောင်လွှဲယူရမည့်နည်းတူ ယခုလို ကရင်လူ ငယ်များ အမျိုးသား‌ရေး၊ ပါတီနိုင်ငံ‌ရေးများတွင် ဦး‌ဆောင်ကာ တက်တက်ကြွကြွ ပါဝင်လုပ်‌ဆောင်‌နေသည်ကို ဂုဏ် ပြုရမည်ဖြစ်သည်။ တစ်ဖက်တွင်လည်း အမျိုးသား‌ရေးလှုပ်ရှားမှုများသည် ‌ဖြောင့်ဖြူးသည့်လမ်းမဟုတ်။ ထို့အတွက် ရရှိလာသည့်အ‌တွေ့အကြုံများကို သင်ယူ‌လေ့လာရင်း လူငယ်တို့သဘာဝ နိုးကြားတက်ကြွစွာ ‌ပြောဆိုလုပ်ကိုင်လာ သည်များကို ဖြတ်သန်းမှုရှိ‌သော လူကြီးများက ‌ဖေးမတွဲ‌ခေါ်သွားကြ‌စေရန် တိုက်တွန်းရင်း အမျိုးသား‌ရေး၊ နိုင်ငံ‌ရေး အတွက် ပါဝင်လုပ်‌ဆောင်ခဲ့သည့် ကရင်လူငယ်များအားလုံးကို ဂုဏ်ပြုလိုက်ပါသည်။