Home သတင်း ညီညွှတ်‌ရေး၊ ငြိမ်းချမ်း‌ရေးနှင့် အနာဂတ်‌ရေးအတွက် ကရင်‌ရေးရာ အစည်းအ‌ဝေး ပြုလုပ်မည်

ညီညွှတ်‌ရေး၊ ငြိမ်းချမ်း‌ရေးနှင့် အနာဂတ်‌ရေးအတွက် ကရင်‌ရေးရာ အစည်းအ‌ဝေး ပြုလုပ်မည်

952
မတ်လ ၇ရက်၊၂၀၁၂ခုနှစ်။ နန်းသူး‌လေ (‌ကေအိုင်စီ)

ကရင့်တမျိုးသားလုံး စည်းလုံးညီညွတ်‌ရေး၊ ငြိမ်းချမ်း‌ရေး၊ အနာဂတ်‌ရေးအတွက် ‌ဆွေး‌နွေးသွားရန်အတွက် ကရင့်‌ရေးရာအစည်း အ‌ဝေးတစ်ရပ်ကို ကရင်ပြည်နယ်၊ ဘားအံမြို့၌ ယခု မတ်လကုန်တွင် ကျင်းပပြုလုပ်သွားမည်ဟု သိရသည်။

၎င်းအစည်းအ‌ဝေးကို ရန်ကုန်တိုင်း ကရင်‌ရေးရာဝန်ကြီး ဦး‌စောထွန်း‌အောင်မြင့်နှင့် ကရင်အမျိုးသား‌ခေါင်း‌ဆောင်များက ကမက ထပြုကာ ၁၁ဦးပါဝင်‌သော ဖြစ်‌မြောက်‌ရေး‌ကော်မတီကို ဖွဲ့စည်းခဲ့ပြီး မတ်လ ၂၉ရက်မှ ၃ဝရက်‌နေ့အထိ ကရင်ပြည်နယ်၊ ဘားအံမြို့ရှိ ဇွဲကပင်ခမ်းမတွင် ကျင်းပသွားမည်ဟု ပြည်တွင်းပြည်ပ ကရင်အဖွဲ့များက ‌ပြောဆို‌နေကြသည်။

ဖြစ်‌မြောက်‌ရေး‌ကော်မတီတွင် ပါဝင်သူ နန့်ခင်‌အေးဦးက “ကရင်‌တွေက တ‌နေရာတည်းမှာပဲ ‌နေထိုင်ကြတာ မဟုတ်ဘဲ ပျံ့နှံ့‌နေ တယ်‌လေ။ အဲဒီ‌တော့ တ‌ယောက်နဲ့တ‌ယောက် သ‌ဘောထားချင်း မတိုက်ဆိုင်တာ‌တွေ၊ အမြင်မတူတာ‌တွေလည်း ရှိ‌နေကြပါ တယ်။ ဒါ‌ကြောင့် တစ်‌နေရာတည်းမှာ ပြန်လည်‌တွေ့ဆုံကြပြီး ကရင်အမျိုးသား‌ရေးအတွက် အ‌ကောင်းဆုံးဖြစ်‌အောင် ‌ဆွေး‌နွေး ကြမှာပါ”ဟု ‌ကေအိုင်စီသို့ ‌ပြောသည်။

ကရင်လူမျိုးများ၏ စည်းလုံးညီညွတ်‌ရေး၊ စစ်မှန်ခိုင်မြဲ‌သောငြိမ်းချမ်း‌ရေးနှင့် အနာဂတ်အ‌ရေးကို ဦးတည်‌သော ကရင်‌ရေးရာ အစည်းအ‌ဝေးတစ်ရပ်ကို ပြုလုပ်သွားမည်ဟု ဖြစ်‌မြောက်‌ရေး‌ကော်မတီလုပ်ငန်းအဖွဲ့၏ ဖိတ်ကြားစာထဲတွင် ‌ဖော်ပြပါရှိသည်။

၎င်းအစည်းအ‌ဝေးသို့ အထက်မြန်မာပြည် အပါအဝင် ကရင်ပြည်နယ်၊ မွန်ပြည်နယ်၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်းနှင့် တနသင်္ာရီတိုင်း စသည့်ပြည်နယ်နှင့် တိုင်း‌ဒေသကြီးများမှ ကရင်အဖွဲ့အစည်း‌ခေါင်း‌ဆောင်များ၊ ကရင်လက်နက်ကိုင်အဖွဲ့အစည်း များ၊ ဘာသာ‌ရေး‌ခေါင်း‌ဆောင်များ ပါဝင်တက်‌ရောက်ကြမည်ဖြစ်‌ကြောင်း နန့်ခင်‌အေးဦးက ဆက်‌ပြောသည်။

လက်ရှိအချိန်တွင် ကရင်‌ရေးရာ‌ဆွေး‌နွေးပွဲသို့ တက်‌ရောက်လာမည့် ကရင့်အဖွဲ့အစည်း‌ခေါင်း‌ဆောင်များကို ဖိတ်ကြားထားပြီးဖြစ် ‌ကြောင်းနှင့် ကရင်အမျိုးသားအစည်းအရုံး-KNU မှ အဖွဲ့ဝင်များကလည်း အခြားကရင်လက်နက်ကိုင်အဖွဲ့အစည်းများကို လိုက်လံ ‌ဆွေး‌နွေးဖိတ်ကြား‌နေ‌ကြောင်း သိရသည်။