ဩဂုတ်လ ၄ရက်။ စောသိန်းမြင့် (ကေအိုင်စီ)
ဩဂုတ်လ ၁၂ရက်နေ့၊ ကရင်အမျိုးသားအာဇာနည်နေ့တွင် နယ်စပ်ဒေသရှိ တပ်စခန်းများအား ကေအဲန်ယူတပ်ဖွဲ့မှ အ လစ်ငိုက် ဝင်ရောက်တိုက်ခိုက်လာနိုင်သဖြင့် သတိထားကြရန် ကမ်းရိုးတန်းတိုင်းစစ်ဌာနချုပ်(ကရခ)က ယခုလ ၂ရက်နေ့တွင် ညွှန်ကြား လိုက်သည်ဟု စစ်ဖက်ဆိုင်ရာသတင်းများအရ သိရသည်။
တနသင်္ာရီတိုင်းရှိ နယ်စပ်အထောက်အကူပြုတပ်စခန်းများကို ယခုလ ဩဂုတ်လ ၂ရက်နေ့မှစ၍ ၂၄နာရီလုံး တပ်နေရာ အသင့်ယူ ခြင်း၊ တဝက်အိပ် တဝက်နိုးစနစ် ကျင့်သုံးခြင်းနှင့် ဆက်သွယ်မှုလုံးဝ မပြတ်တောက်စေရေး တာဝန်ရှိသူအဆင့်ဆင့်မှ လက် အောက်ခံ တပ်ဖွဲ့ဝင်များအား စနစ်တကျ နေရာယူ ဆောင်ရွက်သွားကြရန် ညွှန်ကြားလိုက်ခြင်းဖြစ်သည်။
ထိုဒေသရှိ စစ်တပ်နှင့်နီးစပ်သူတဦးက “နယ်စပ်မှာရှိတဲ့ တပ်စခန်းအားလုံးကို ညွှန်ကြားတာပါ။ ဒါကလည်း ဒီနှစ်မှစပြီး ညွှန်ကြား တာ မဟုတ်ပါဘူး။ ဒီ ကရင့်အာဇာနည်နေ့ကျရောက်တဲ့ ခါတိုင်းနှစ်တွေလည်း ညွှန်ကြားတာပဲ။”ဟု ကေအိုင်စီကို ပြောသည်။
၎င်းကိစ္စနှင့်ပတ်သက်၍ ကရင်အမျိုးသားအစည်းအရုံး(ကေအဲန်ယူ) တွဲဘက်အတွင်းရေးမှူး(၁) ဗိုလ်မှူးစောလှငွေက “သူတို့လူ တွေ မကြာခဏ တိုက်ခိုက်ခံရတဲ့အပေါ်မှာ ဒီလိုမျိုး နေ့ကြီးရက်ကြီး ရောက်လာရင် ထပ်ပြီး တိုက်ခိုက်ခံရမှာစိုးရိမ်လို့ သူတို့တပ် တွေ အမြဲတမ်း သတိဝိရိယရှိဖို့ Alert (သတိပေး)တဲ့ သဘောပါဘဲ။ ဒါပေမယ့်လို့ ကျနော်တို့ ကေအဲန်ယူအနေနဲ့က ဒါမျိုး နေ့ကြီး ရက်ကြီးတွေမှာ တခါမှ တိုက်ပွဲဆင်နွှဲတာ မရှိခဲ့ပါဘူး။”ဟု ပြောသည်။
ယခုနှစ် ဩဂုတ်လ ၁၂ရက်နေ့သည် ၆၁နှစ်မြောက် ကရင့်အာဇာနည်နေ့ဖြစ်ပြီး ထိုနေ့တွင် ကေအဲန်ယူ ထိန်းချုပ်ရာနယ်မြေများ တွင် ကျင်းပရန်ရှိသလို ပြည်ပရောက် ကရင်လူမျိုးများကလည်း ၎င်းတို့ ရောက်ရှိသည့်နိုင်ငံများ၌ ကျင်းပရန် စီစဉ်လေ့ရှိသည်ဟု သိရသည်။
