ဧပြီ ၂၁၊ ၂၀၂၅ ခုနှစ်။ ကေအိုင်စီ
စစ်ကောင်စီကြောင့် နိုင်ငံတစ်ဝှမ်းလုံး ပြီးခဲ့သည့် မတ်လအတွင်း အမျိုးသးမီး ၆၆ ဦး သေဆုံးခဲ့သည်ဟု မြန်မာ အမျိုုးသမီးသမဂ္ဂ(BWU) က ပြောဆိုသည်။
မြန်မာနိုင်ငံအတွင်း ပြီးခဲ့သည့်မတ်လအတွင်း အင်အားပြင်းငလျင်ကြောင့် သေဆုံးသူ(၃၆၄၉)ဦးသေဆုံးအထိ ရှိနေသော်လည်းတစ်ဖတ်တွင် စစ်ကောင်စီတပ်ဖွဲ့ဝင်များမှ မတ် ၁ ရက်နေ့မှစတင်၍ မတ် ၃၁ ရက်နေ့အထိ မြန်မာနိုင်ငံအနှံ့ လူ့အခွင့်အရေး ချိုးဖောက်မှုများကြောင့် အမျိုးသမီးစုစုပေါင်း ၆၆ ဦးနှင့် ထိခိုက်ဒဏ်ရာရရှိသူ ၈၈ ဦးအထိ ရှိသည်ဟု BWU ကပြုစုထားသည့် စာရင်းများအရ သိရသည်။
သေဆုံးခဲ့သည့် အမျိုးသမီး ၆၆ ဦးတို့မှာ စစ်ကောင်စီတပ်၏ လေကြောင်းမှ ဗုံးကြဲတိုက်ခိုက်မှုကြောင့် ၅၀ ဦး၊ လက်နက်ကြီးရမ်းသမ်း ပစ်ခတ်မှုများကြောင့် ၅ ဦး၊ မြေမြှပ်မိုင်းကြောင့် ၂ ဦး၊ သတ်ဖြတ်ခံရသူ ၇ ဦးနှင့် မီးရှို့ခံရသူ ရိုက်နက်ခံရသူ တစ်ဦးစီတို့ ဖြစ်သည်ဟု မြန်မာအမျိုုးသမီး သမဂ္ဂက ထုတ်ပြန်ပြောသည်။
ထို့အပြင် ထိခိုက်ဒဏ်ရာရရှခဲ့သည့် အမျိုးသမီး ၈၈ ဦးမှာလည်း လေကြောင်းတိုက်ခိုက်မှုကြောင့် ၄၉ ဦး၊ လက်နက်ကြီးပစ်ခတ်မှုကြောင့် ၂၃ ဦး၊ မြေမြှပ်မိုင်းကြောင့် ၁၅ ဦး၊ နှင့် စစ်တပ်၏အကြောင်းမဲ့ ရိုက်နှက်ခံရမှု ကြောင့် ၁ ဦးတို့ပါဝင်သည်။
ယခုလိုစစ်ကောင်စီတပ်က ပြည်သူများအပေါ် အကြမ်းဖက်ကျူးလွန်မှုများကို အပြစ်ပေး အရေးယူနိုင်ရန်အတွက် အစွမ်းကုန် တာဝန်ယူဆောင်ရွက်မှုများကို လုပ်ဆောင်သွားမည်ဖြစ်ကြောင်း အမျိုးသားညီညွတ်ရေးအစိုးရ- NUG က ယနေ့ဧပြီ ၂၁ ရက်နေ့တွင် ထုတ်ပြန်ထားသည်။
ထို့အပြင်လူ့အခွင့်အရေးဆိုင်ရာ ဝန်ကြီးဌာန အနေဖြင့်ပြည်သူတစ်ရပ်လုံး တန်းတူညီမျှရေး၊ ငြိမ်းချမ်းရေးနှင့် တရားမျှတမှု ရရှိရေး ဦးတည်ချက်ကို ခိုင်ခိုင်မာမာ လက်ကိုင်ထားပြီး စစ်အုပ်စု၏ ကျူးလွန်မှုများကို အရေးယူ ဆောင်ရွက်သွားမည်ဟု ကိုလည်းထုတ်ပြန်ချက်၌ ပြောဆိုထားသည်။
