Home သတင်း ထိုင်းနိုင်ငံ မဲ‌ဆောက်မြို့ရှိ မြန်မာလုပ်သားများကို လူဦး‌ရေ အကန့်အသတ်မရှိ အခမဲ့ ကိုဗစ်ကာကွယ်‌ဆေး ထိုးနှံ‌ပေး

ထိုင်းနိုင်ငံ မဲ‌ဆောက်မြို့ရှိ မြန်မာလုပ်သားများကို လူဦး‌ရေ အကန့်အသတ်မရှိ အခမဲ့ ကိုဗစ်ကာကွယ်‌ဆေး ထိုးနှံ‌ပေး

246

‌အောက်တိုဘာ ၂၇ ရက်၊ ၂၀၂၁ ခုနှစ်။ ‌ကေအိုင်စီ

ထိုင်းနိုင်ငံ မဲ‌ဆောက်မြို့ရှိ မြန်မာအလုပ်သမားများကို အ‌ထောက်အထားရှိသူဖြစ်‌စေ၊ မရှိသူဖြစ်‌စေ လူဦး‌ရေ အကန့်အသတ်မရှိ အခမဲ့ ကိုဗစ်ကာကွယ်‌ဆေးထိုးနှံ‌ပေးလျက်ရှိ‌ကြောင်း သိရသည်။

ကိုဗစ်ကာကွယ်‌ဆေးကို မဲ‌ဆောက်မြို့နယ်အုပ်‌ရေးမှူးရုံး (မြို့ပိုင်ရုံး) နှင့် လူ‌နေရပ်ကွက်များတွင် စုရပ်ပြုလုပ်၍ အပတ်စဉ် တနလင်္ာ‌နေ့မှ ကြာသပ‌တေး‌နေ့အထိ တစ်ပတ်တွင် ၄ ရက် လူဦး‌ရေ အကန့်အသတ်မရှိ ထိုးနှံ‌ပေး လျက်ရှိ‌ကြောင်း ကာကွယ်‌ဆေးထိုးရာတွင် ဝိုင်းဝန်းကူညီ‌ဆောင်ရွက်‌ပေး‌နေသူတစ်ဦးက ‌ကေအိုင်စီသို့ ‌ပြောသည်။

” ‌ဆေးထိုးမယ်သူ‌တွေ အ‌နေနဲ့ မနက် ၈ နာရီမှာ မဲ‌ဆောက်မြို့နယ် အုပ်ချုပ်‌ရေးမှူးရုံး (မြို့ပိုင်ရုံး) မှာ ‌ဖောင်ပုံ စံဖြည့်၊ စာရင်း‌ပေးသွားပြီး မွန်းတည့် ၁ နာရီမှာ စတင်ထိုးနှံရမှာပါ။ လူ‌နေရပ်ကွက် အသီးသီးမှာလည်း စုရပ်ပြု လုပ်၍ ကာကွယ်‌ဆေး ထိုး‌ပေးလျက်ရှိပါတယ်။ မဲ‌ဆောက်‌ဒေသမှာရှိတဲ့ မည်သည့် နိုင်ငံသားမဆို ‌နေထိုင်ခွင့် အ‌ထေက်အထားရှိသူ‌ရော၊ မရှိသူ‌ရော အကုန်လုံးကို ထိုး‌ပေးပါတယ်။”ဟု အဆိုပါ ဝိုင်းဝန်းကူညီ‌ဆောင်ရွက်‌ပေးသူက ‌ပြောသည်။

ယ‌နေ့ ‌အောက်တိုဘာလ ၂၇ ရက်‌နေ့တွင်လည်း မဲ‌ဆောက်မြို့နယ်တွင်း မြို့ပိုင်ရုံးအပါအဝင် ‌နေရာ ၃ ခု၌ လူဦး‌ရေ ၂,၀၀ဝ ‌ကျော်ကို ကိုဗစ်ကာ ကွယ်‌ဆေးထိုးနှံ‌ပေးခဲ့‌ကြောင်းလည်း ၎င်းက ဆက်‌ပြောသည်။

ထိုင်းကျန်းမာ‌ရေးဌာနအ‌နေဖြင့် နိုင်ငံတွင်း ကိုဗစ်-၁၉ ကူးစက်‌ရောဂါကို ကာကွယ်ထိန်းချုပ်နိုင်ရန်အတွက် မဲ‌ဆောက်‌ဒေသတွင်း‌နေထိုင်ကြသည့် မည်သည့်နိုင်ငံသားကိုမဆို Covid-19 ကူးစက်‌ရောဂါကာကွယ်‌ဆေး ထိုး‌ပေး‌နေသည့် အစီအစဉ်များ လုပ်‌ဆောင်လျက်ရှိသည်။

ထိုသို့ ‌ဆောင်ရွက်ရခြင်းမှာ နိုင်ငံအတွင်း ခရီးသွားလုပ်ငန်းများ ပြန်လည်မြှင့်တင်ရန်နှင့် နိုင်ငံတကာ ဝင်/ထွက်‌ပေါက် တစ်ခုဖြစ်‌သော မဲ‌ဆောက်-မြဝတီ ထိုင်း-မြန်မာနယ်စပ် အမှတ် -၂ ချစ်ကြည်‌ရေးတံတားကို လာမည့် ၂၀၂၁ ခုနှစ် ဇန်နဝါရီလတွင် ပြန်လည်ဖွင့်လှစ်နိုင်ရန် ထိုင်းအစိုးရမှ ရည်ရွယ်လုပ်‌ဆောင်‌နေခြင်း ဖြစ်သည်ဟု နယ်စပ်စီးပွား‌ရေးလုပ်ငန်းရှင်များက ‌ပြောဆိုကြသည်။

လက်ရှိ မြန်မာ‌ရွှေ့‌ပြောင်းလုပ်သား နှစ်သိန်း(၂၀၀,၀၀၀)ဝန်းကျင် ‌နေထိုင်လုပ်ကိုင်လျက်ရှိ‌သော မဲ‌ဆောက်မြို့နယ်အတွင်း ယ‌နေ့ ‌အောက်တိုဘာ ၂၇ ရက်‌နေ့ထိ ကိုဗစ်-၁၉ ကာကွယ်‌ဆေးထိုးပြီးသူ ‌ခြောက် ‌သောင်း(၆၀,၀၀၀)နီးပါးခန့်ရှိပြီးဟု ထိုင်းကျန်းမာ‌ရေးဌာနနှင့် နီးစပ်သူ တစ်ဦး၏ ‌ပြောကြားမှုအရ သိရသည်။