Home COVID-19 မြဝတီရဲစခန်းမှ အချုပ်သား ၈ဦးထံမှ ကိုဗစ်ပိုးတွေ့ရှိ၍ အချုပ်သား ၂၀၀ ကျော်အား ကိုဗစ် ပိုးရှိမရှိ swab နမူနာယူ စစ်ဆေး

မြဝတီရဲစခန်းမှ အချုပ်သား ၈ဦးထံမှ ကိုဗစ်ပိုးတွေ့ရှိ၍ အချုပ်သား ၂၀၀ ကျော်အား ကိုဗစ် ပိုးရှိမရှိ swab နမူနာယူ စစ်ဆေး

1862

ဒီဇင်ဘာ ၁၉ ရက်၊ ၂၀၂၀ ပြည့်နှစ်။ နေနော်

ကရင်ပြည်နယ် မြဝတီမြို့မရဲစခန်း အချုပ်ထောင်မှ အချုပ်သား ၈ ဦးတွင် Covid- 19 ရောဂါပိုးတွေ့ရှိရ၍ လက်ရှိအချုပ်ခန်းအတွင်းရှိ အချုပ်သား ၂၀၀ ခန့်အား ကိုဗစ်ပိုးရှိမရှိ သိနိုင်ရန် နှာခေါင်းတို့ဖတ် Swab နမူနာယူကာ ကျန်းမာရေး စစ်ဆေးမှုများ ဆောင်ရွက် လျက်ရှိကြောင်း သိရသည်။

ပြီးခဲ့သည့် ဒီဇင်ဘာ ၁၁ ရက်နေ့က မြဝတီရဲစခန်းမှ ရဲတပ်ဖွဲ့ဝင် ၂ ဦးနှင့် အငယ်တန်း စာရေးမ ၁ ဦးတို့ထံမှ Covid-19 ရောဂါပိုးတွေ့ရှိခဲ့ပြီးနောက် ယင်းတို့နှင့် ထိတွေ့မှုရှိခဲ့ သူများကို နှာခေါင်းတို့ဖတ် Swab နမူနာယူ၍ ပိုးရှိမရှိစစ်ဆေးရာ ယနေ့ (ဒီဇင်ဘာ ၁၉ရက်) တွင် မြဝတီရဲစခန်းမှ အချုပ်သား ၈ ဦး၊ ရဲတပ်ဖွဲ့ဝင် ၁ ဦး နှင့် ရဲမိသားစုဝင် ၃ ဦး တို့ထံမှ ကိုဗစ်ပိုး ထပ်မံတွေ့ရှိခဲ့ခြင်းဖြစ်သည်။

အဆိုပါ အချုပ်သား ၈ ဦးထံမှ ကိုဗစ်ပိုးတွေ့ရှိရ၍ ၎င်းတို့ကို သီးသန့်ထားရှိကာ ဆေးကုသမှု ခံယူစေမှာဖြစ်ပြီး လက်ရှိမြဝတီရဲစခန်း အချုပ်တွင်းရှိ အချုပ်သား ၂၀၀ ဦးခန့်အား နှာခေါင်း တို့ဖတ် အာခေါင်တို့ဖတ် Swab နမူနာယူ၍ ကိုဗစ်ပိုးရှိမရှိ ကျန်းမာရေး စစ်ဆေးမှုများ ပြုလုပ်နေကြောင်း မြဝတီရဲစခန်းမှ သိရသည်။

၎င်းအပြင် မြဝတီရဲစခန်းမှ ရဲတပ်ဖွဲ့ဝင် ၃ ဦးနှင့် မိသားစုဝင် ၄ ဦး ကိုဗစ်ပိုးတွေ့ရှိထားပြီးဖြစ်၍ ရဲစခန်းဝင်းအတွင်းနေထိုင်သူများကို ကျန်းမာရေးစောင့်ကြည့်မှုများပြုလုပ်လျက်ရှိပြီး ထိတွေ့ မှုရှိခဲ့သူများကို နှာခေါင်းတို့ဖတ် Swab နမူနာယူကာ ကိုဗစ်ပိုးရှိမရှိ စစ်ဆေးမှုများ ပြုလုပ်လျက်ရှိကြောင်း မြဝတီရဲစခန်းမှ နယ်ထိန်းအရာရှိ ရဲအုပ် မင်းမင်းထွန်းက ပြောသည်။

မြဝတီမြို့တွင် ယနေ့ (ဒီဇင်ဘာ ၁၉ ရက်) ည ၇ နာရီအချိန်ထိ တစ်ရက်အတွင်း Covid-19 ပိုးတွေ့လူနာ ၄၉ ဦးထိ စံချိန်တင်တွေ့ရှိပြီး မြို့တွင် စုစုပေါင်း ပိုးတွေ့လူနာ ၃၉၄ ဦးထိရှိပြီဖြစ်သည်။ ယင်းတို့အနက် ရောဂါပျောက်ကင်းသူ ၂၂၈ ဦးရှိပြီး သေဆုံးသူ ၁ ဦးရှိကာ လက်ရှိဆေးကုသမှုခံယူနေသူ ၁၆၅ ဦးရှိကြောင်းသိရှိရသည်။