ဇွန်လ ၁၆ ရက်၊ ၂ဝ၂၁ ခုနှစ်၊ ကေအိုင်စီ
ကရင်ပြည်နယ်၊ ကြာအင်းဆိပ်ကြီးမြို့ ကမ်းနားလမ်းရပ်၊ ရပ်ကွက် ၅ ရှိ လက်ဖက်ရည်ဆိုင်တစ်ဆိုင်ရှေ့၌ ယနေ့ ဇွန်လ ၁၆ ရက်နေ့တွင် လက်လုပ်မှိုင်းဗုံးဟု ယူဆရသည့်အရာဝတ္ထူတစ်ခု တွေ့ရှိပြီး စစ်ကောင်စီတပ်က လာရောက် ဖြုတ်သိမ်းယူသွားသည်ဟု မြို့ခံလူထုထံမှ သိရသည်။
“ ဆိုင်ရဲ့အရှေ့မှာ လက်လုပ်မိုင်းပုံစံလိုပေါ့နော်၊ ဒီအတိုင်းချထားတယ်။ အိမ်နီးနားချင်းတွေကလည်း ကြောက်ကြ တာပေါ့။ စစ်တပ်ကလာပြီးတော့ ဖြုတ်သိမ်းသွားတယ်။ ကလေးသူငယ်တွေ၊ ပြည်သူတွေ ထိခိုက်မယ့်အရာတွေ လက်မခံနိုင်ဘူး”ဟု အမည်မဖော်လိုသူ မြို့ခံတစ်ဦးက ကေအိုင်စီ သို့ပြောသည်။
ပြီးခဲ့သည့် မေလကလည်း တရားရုံး၊ ဆေးရုံ၊ ပညာရေးမှူးရုံးနှင့် ကြေးနန်းဆက်သွယ်ရေးရုံးရှေ့တွင် ဗုံးဟုယူဆရ သည့် အရာဝတ္ထုတွေ့ရှိခဲ့ပြီး စစ်တပ်က လာရောက်ဖယ်ရှာပေးခဲ့သည်ဟု ဌာနဆိုင်ရာ ဝန်ထမ်းများထံမှ သိရသည်။
ကြာအင်းဆိပ်ကြီးမြို့နယ် ဘုရားသုံးဆူမြို့တွင်လည်း ယခုလ ဇွန်လ ၈ ရက်နေ့က မွန်ညီညွတ်ရေးပါတီဝင် အမျိုး သမီးတစ်ဦး သေနတ်ဖြင့် ပစ်သတ်ခံခဲ့ရသည်။ ထို့အပြင် မြို့တွင်းပစ်ခတ်မှုများနှင့် ဗုံးဟုယူဆရ သည့်အရာ ပေါက်ကွဲမှုများ မကြာခဏဖြစ်ပွားလေ့ရှိသည်ဟု ဒေသခံများထံမှ သိရသည်။
