အောက်တိုဘာ ၈ ရက်၊ ၂ဝ၁၉ ခုနှစ်။ နေနော်
ကော့ကရိတ်မြို့၊ နေအိမ်၌ အောက်တိုဘာ ၅ ရက်၊ ညဦးပိုင်းက အမည်မသိသေနတ်သမားတစ်ဦး၏ လုပ်ကြံခံရမှုကြောင့် သေဆုံးခဲ့သော ဒီမိုကရေစီအကျိုးပြု ကရင်တပ်မတော်-DKBA ၉ဝ၉ တပ်ရင်းမှူး ဒုဗိုလ်မှူးကြီး စောဝေ့ထူး၏ ဈာပန အခမ်းအနားကို ယနေ့ ပြုလုပ်ခဲ့ရာ ကရင်တိုင်းရင်းသားလက်နက်ကိုင်အဖွဲ့မှ ထိပ်သီးခေါင်းဆောင်များ လိုက်ပါပို့ဆောင်ခဲ့ကြသည်။
အဆိုပါ DKBA အရာရှိ၏ ရုပ်ကလာပ်အား နေ့လည် ၁ နာရီအချိန်က ၎င်း၏နေအိမ်မှ ကော့နွဲ့ကျေးရွာ သုဿန်ကို ပို့ဆောင်သၤဂြိုဟ်ရာသို့ KNU/KNLA-PC မှ ဗိုလ်ချုပ်စောထိန်မောင်၊ စစ်ရေးချုပ်စောနေစိုး မြနှင့် တပ်ဖွဲ့ဝင်များ၊ KNU တပ်မဟာ ၇ မှ ဗိုလ်မှူးကြီး စောဖောဒိုနှင့် တပ်ဖွဲ့ဝင်များ၊ DKBA မှ ဒုစစ်ဦးစီး ချုပ် ဒုဗိုလ်ချုပ်ကြီးစောစတီးလ်နှင့် တပ်ဖွဲ့ဝင်များ၊ နယ်ခြားစောင့်တပ်-BGFမှ ဗိုလ်မှူးနိုင်မောင်ဇော် ၊ ဗိုလ်မှူးစောတင်ဝင်းနှင့် တပ်ဖွဲ့ဝင်များ၊ ကရင်အမျိုးသားဒီမိုကရက်တစ် ပါတီ(KNDP)ဝင်များ၊ အရပ်ဘက်လူမှုကူညီရေးအသင်းအဖွဲ့များ၊ ၎င်း၏ မိသားစုဝင်များနှင့် မိတ်သဂင်္ဟများ ရာချီ လိုက်ပါ ပို့ဆောင်ခဲ့ကြသည်။
ကရင်ပြည်နယ်၊ ကော့ကရိတ်မြို့ ချောင်းတောင်ရပ်ကွက်၊ ကွက်သစ်(၂)လမ်းနေ DKBA တပ်ဖွဲ့ ၉၀၉ တပ်ရင်းမှူး ဒုဗိုလ်မှုးကြီးစောဝေ့ထူးသည် အောက်တိုဘာ ၅ ရက်နေ့၊ ည ၇း ၃ဝ အချိန်ခန့်က နေအိမ်ဧည့်ခန်းတွင် ထိုင်နေစဉ် အမည်မသိ သေနတ်သမားတစ်ဦးက နေအိမ်တွင်းဝင်ရောက်ကာ သေနတ်အ ရှည်ဖြင့် ၈ ချက်ပစ်ရာ စောဝေ့ထူးမှာ ကျည် ၅ ချက်ထိမှန်၍ သေဆုံးခဲ့ခြင်းဖြစ်သည်။
ထိုသို့ သေဆုံးမှုကြောင့် ၎င်း၏ ဇနီးဖြစ်သူ ကော့ကရိတ်မြို့ မရဲ စခန်းတွင် (ပ) ၂၈၇/ ၂၀၁၉ ရာဇသတ်ကြီး ပုဒ်မ ၃၀၂ ဖြင့် အောက်တိုဘာ ၆ ရက်နေ့က အမှုဖွင့်ထားပြီး သေနတ်ဖြင့် ပစ်ခတ်ခဲ့သည့် တရားခံမှာ ယနေ့ချိန်ထိ ထွက်ပြေးလွတ်မြောက်နေဆဲဖြစ်ကြောင်း သိရသည်။
ဒုဗိုလ်မှူးကြီး စောဝေ့ထူး သေဆုံးချိန်တွင် အသက် ၄၉ နှစ်ရှိပြီး ဇနီး နှင့် သမီး ၂ ဦး၊ သား ၁ဦး ကျန်ရစ်ခဲ့သည်။