နိုဝင်ဘာ ၁ရက်၊ ၂၀၁၆ခုနှစ်။ ကေအိုင်စီ
ကရင်ပြည်နယ် ဖားအံမြို့တွင် နိုဝင်ဘာလ ၇ရက်နေ့မှစတင်ကာ ကျင်းပမည့် ၆၁ကြိမ်မြောက် ကရင်ပြည်နေ့ ပွဲတော်တွင် ကရင် အမျိုးသားအစည်းအရုံး-KNU နှင့် ကရင်အမျိုးသမီးအစည်းအရုံး-KWO တို့မှ ငြိမ်းချမ်းရေးဖော်ဆောင်မှု၊ အမျိုးသမီးအကြမ်းဖက် ခံရမှုကိစ္စရပ်များနှင့် သက်ဆိုင်သည့် ပြခန်းများ အသီးသီး ပါဝင်ပြသသွားမည်ဖြစ်ကြောင်း သိရသည်။
KNU အနေဖြင့် ကရင်ပြည်နယ်နေ့တွင် ဒုတိယအကြိမ်မြောက် ပြခန်းဖွင့်လှစ်ပြသခြင်းဖြစ်ပြီး ၎င်းပြခန်းဖွင့်လှစ်ပြသမည့် အစီအ စဉ်များကို KNU ၏ဋ္ဌာနတစ်ခုဖြစ်သည့် ဗဟိုစည်းရုံးရေးနှင့် ပြန်ကြားရေးဋ္ဌာနက ဦးဆောင်ကာ RISE-လူမှုရေးရာ သုတေသနအ ဖွဲ့တို့ ပူးပေါင်းပါဝင်သွားမည်ဟု KNU ဗဟိုကော်မတီဝင်တစ်ဦးဖြစ်သူ ပဒိုစောလှထွန်းက ပြောသည်။
“အဓိကကတော့ အခုသွားနေတဲ့ငြိမ်းချမ်းရေးဖြစ်စဉ်ကို အများပြည်သူသိရှိနိုင်ဖို့၊ ဖြစ်စဉ်တွေအပေါ်မှာ ဘယ်လောက်အထိ အကျိုးသက်ရောက်မှုရှိလဲ။ အားနည်းချက်၊ အားသာချက် ဘာတွေရှိလဲ။ လူထုတွေအနေနဲ့ ဘယ်လိုပါဝင်သင့်လဲ ဆိုတာကို သိ စေချင်လို့ အခုလို စီစဉ်တာဖြစ်ပါတယ်”ဟု ကေအိုင်စီသို့ ပြောသည်။
KNU ၏ ပြခန်းတွင် ငြိမ်းချမ်းရေး စတင်ဖော်ဆောင်ခဲ့မှုအခြေအနေများ၊ ယခင်ဦးသိန်းစိန်အစိုးရလက်ထက်မှ ယခု အစိုးရလက် ထက်အထိ ငြိမ်းချမ်းရေးဖော်ဆောင်မှုအဆင့်ဆင့်နှင့် လာမည့်နိုင်ငံရေးဆွေးနွေးပွဲဆိုင်ရာကိစ္စရပ်များကို ဓာတ်ပုံများ၊ လက်ကမ်း စာစောင်များနှင့် စာအုပ်များဖြင့် ထုတ်ဝေပြသသွားမည်ဟု သိရသည်။
ထို့အတူ ကရင်အမျိုးသမီးအစည်းအရုံး-KWO ကလည်း ပြည်နယ်နေ့တွင် ကရင်ပြည်နယ်ရှိ Women Organization Network-WON) အမျိုးသမီးကွန်ရက်အဖွဲ့နှင့် ပူးပေါင်းကာ ပထမဆုံးအကြိမ်အဖြစ် ပြခန်းတစ်ခုပါဝင်ပြသသွားမည်ဖြစ်သည်ဟု KWO ၏ ဖားအံဒေသ တာဝန်ခံ နော်ဆဲဆဲက ပြောသည်။
အဆိုပါပြခန်းတွင် ကရင်အမျိုးသမီးအစည်းအရုံး အကြောင်း၊ လုပ်ငန်းဖော်ဆောင်နေမှုများ၊ အမျိုးသမီးအကြမ်းဖက်ခံရမှုနှင့် သက်ဆိုင်သည့် ပညာပေးမှုများအပြင် ရိုးရာယဉ်ကျေးမှုများကိုဖော်ဆောင်သည့် ကရင့်ရိုးရာအဝတ်အထည်များကိုလည်း ရောင်း ချပေးသွားမည်ဖြစ်ကြောင်း သိရသည်။
နိုဝင်ဘာ ၇ရက်မှ ၁၁ရက်နေ့အထိ ကျင်းပမည့် ကရင်ပြည်နယ်နေ့တွင် KNU-ငြိမ်းချမ်းရေးဖြစ်စဉ်ပြခန်း၊ ကရင်ရိုးရာစာပေနှင့် ယဉ်ကျေးမှုပြခန်း၊ ကရင်အမျိုးသမီးများဖွံ့ဖြိုးတိုးတက်ရေးအဖွဲ့-KWEG ၏ ပြခန်း၊ ဂျပန်နိပွန်ဖောင်ဒေးရှင်းပြခန်း၊ ပြည်နယ်တွင်းရှိ NGOs များ ဋ္ဌာနဆိုင်ရာ ပြခန်းများ အပါအဝင် ပြခန်းပေါင်း ၃၀ကျော်နှင့် ဈေးဆိုင်ခန်း ၂၀ဝ ဝန်းကျင် ပြသ၊ ရောင်းချသွားမည် ဖြစ်ကြောင်း သိရသည်။
၎င်းအပြင် ဇာတ်သဘင်ပွဲများ၊ ကရင်ရိုးရာဇတ်သဘင်ပွဲ၊ ရိုးရာဖက်ရှင်ပြိုင်ပွဲ၊ ကာယအလှမယ်နှင့် ကာယအလှမောင်ပြိုင်ပွဲ လှေ ပြိုင်ပွဲ ၊ စက်ဘီးပြိုင်ပွဲ၊ ဒုံးအကအလှပြိုင်ပွဲနှင့် ရိုးရာလက်ဝှေ့ပွဲများလည်း ပါဝင်မည်ဖြစ်သည်။
၁၉၅၆ခုနှစ်၊ ဖေဖော်ဝါရီ (၂၅)ရက်နေ့တွင်ကျင်းပသော စုဒ္ဒဿမ (၁၄)ကြိမ်မြောက် ကရင်ပြည်နယ် ကောင်စီညီလာခံတွင် နိုဝင် ဘာလ (၇)ရက်နေ့ကို ကရင်ပြည်နယ်နေ့အဖြစ် သတ်မှတ်ခဲ့ပြီး ယနေ့တိုင် ကျင်းပလာခဲ့ကြသည်။