ဩဂုတ် ၁၂ရက်၊ ၂၀၁၅ ခုနှစ်။ စအိုင်စူး
လက်ရှိ နိုင်ငံရေးတိုက်ပွဲလုပ်ဆောင်နေစဉ်အတွင်း ပြည်တွင်းပြည်ပရှိ ကရင်အမျိုးသားများ တစိတ်တစ်ဝမ်းတည်း ပြန်လည်စုစည်း အကြံပြုရန် ကရင်အမျိုးသားအစည်းအရုံး(KNU) လက်အောက်ခံ ကရင်အမျိုးသားလွတ် မြောက် ရေးတပ်မတော်-KNLA စစ်ဦးစီးချုပ်၊ ဗိုလ်ချုပ်ကြီး စောဂျော်နီက ၆၅ နှစ်မြောက် ကရင့်အာဇာနည်နေ ့ အခမ်းအနားတွင် တိုက်တွန်းပြောဆို လိုက်သည်။
၎င်းက “ လက်ရှိ ကျနော်တို့တော်လှန်ရေးက နိုင်ငံရေးတိုက်ပွဲအတွင်းမှာပဲရှိ သေးတယ်။ ဒါကြောင့် ပြည်တွင်း ပြည်ပမှာရှိနေတဲ့ ကရင်အမျိုးသားတွေအနေနဲ့ ကျနော်တို့နဲ့အတူ ပြန်လည်စုစည်းပြီး အကောင်းဆုံး အကြံပြု မှုတွေနဲ့အတူ ကိုယ်ပိုင် ပြဌာန်းခွင့်၊ ဆုံးဖြတ်ပိုင်ခွင့် ရရှိတဲ့အထိ လုပ်ဆောင်သွားကြရမယ် ” ဟု ကရင် ပြည်နယ်၊ လှိုင်းဘွဲ့မြို့နယ်အတွင်းရှိ KNLA တပ်မဟာ ၇ ဌာနချုပ်၌ ယမန်နေ ့က ပြုလုပ်သည့် အာဇာနည်နေ့ အခမ်းအနား မိန် ့ခွန်းတွင် ထည့်သွင်း ပြောကြားခဲ့သည်။
အဆိုပါအခမ်းအနားသို့ KNU ဗဟိုကော်မတီဝင်များ၊ KNLA စစ်ဘက်ဆိုင်ရာ အရာရှိကြီးများနှင့် တပ်မှူး တပ်သားများ၊ မဟာမိတ် တပ်ရင်းများမှစစ်ဘက် အရာရှိကြီးငယ်များအပါအဝင် ဒေသခံ လူထု စုစုပေါင်း ၁,၀၀ဝ ဦးခန် ့ အာဇာနည်ခေါင်းဆောင်ကြီးများကို တက်ရောက်ကာ ဂုဏ်ပြုခဲ့ကြသည်။
အခမ်းအနားသို့တက်ရောက်ခဲ့သူ KNLA စစ်ဌာနချုပ်မှ စစ်ဦးစီးတတိယတန်း ဗိုလ်ကြီး စောစွီးနေစိုးက “ကျဆုံး သွားတဲ့ ကရင်အာဇာနည်တွေ့ဟာသူတို့ရဲ့ အသက်ကိုအလကားပေလှူခဲ့တာမဟုတ်ပါဘူး။ သူတို့ရဲ့ မပြီးဆုံး သေးတဲ့တာဝန်ကို နောက်တစ်ခေတ်မှာ ကျနော်တို့လူငယ်တွေက အမျိုးသားရေးရည်မှန်ချက် ရောက်ရှိတဲ့ အထိ ဆက်လက်တာဝန်ယူသွားဖုို့ လိုပါတယ် ” ဟု ကေအိုင်စီသို့ ပြောသည်။
အလားတူ မယ်ဖလို့ ကျမ်းစာကျောင်းမှ စောထူးစေးက “ ဒီအခမ်းအနားကို ရောက်လာတေ့ာ အရင်က ခေါင်းဆောင်ကြီးတွေကို ပြန်ပြီးအမှတ်ရမိပါတယ်။ သူတို့ရဲ့ပေးဆပ်ခဲ့မှု အပေါ် အသိမှတ်ပြုတယ်။ နောက်ပြီး လက်ရှိအခြေအနေအရ ကျနော်တို့ကရင်တွေ ပြန်လည်စည်းလုံး ညီညွတ်မှုနဲ့ လုပ်ဆောင်သင့်တယ်” ဟု ပြောဆိုသည်။
နေ ့တဝက်တာနီးပါးပြုလုပ်သည့် အခမ်းအနား၌ KNU ဥက္ကဌဗိုလ်ချုပ်ကြီး စောမူတူစေးဖိုး၏ ၆၅ နှစ်မြောက် အာဇာနည်နေ ့မိန်းခွန်းကို ဖတ်ကြားခဲ့သလို ကရင်လူငယ် အစည်းအရုံး- KYO၊ ကရင်အမျိုးသမီးအစည်းအရုံး- KWO စသည်တို ့မှ ပေးပို ့လာသည့် သဝဏ်လွာများကိုဖတ်ကြားကာ ခေါင်းဆောင် တချို့က အာဇာနည် နေ့နှင့် ပတ်သက်သည့်အကြောင်းအရာများကို ဟောပြောခဲ့ပြီး အာဇာနည်ခေါင်းဆောင်ကြီးများကို အလေးပြု ခြင်း၊ လွမ်းသူပန်းခွေချခြင်းတို့ဖြင့် ဂုဏ်ပြုခဲ့သည်။
ယခုနှစ် ၆၅နှစ်မြောက် ကရင်အမျိုးသားအာဇာနည်နေ့ကို KNUထိန်ချုပ်ရာ ဒေသများရှိ တပ်မဟာ တပ်ရင်းများ၊ ကျန်ကရင်လက်နက်ကိုင်အဖွဲ့အစည်းများဖြစ်သည့် DKBA၊KNU/KNLA PCနှင့် နိုင်ငံတကာရောက် ကရင် အမျိုးသားများ၊ ပြည်တွင်းနှင့် နယ်စပ်ဒေသ အသီးသီးတို့တွင် ကရင့်အာဇာနည်နေ ့ ဂုဏ်ပြု အခမ်းအနားများ အသီးသီး ပြုလုပ်ခဲ့ကြောင်း သိရသည်။
၁၉၅ဝ ခုနှစ်၊ ဩဂုတ် ၁၂ ရက်နေ့တွင် KNU ခေါင်းဆောင်စောဘဦးကြီး၊ ဗိုလ်ချုပ်စိုင်းကေ အပါအဝင် ကရင့် ရဲဘော်တချို့ တော်လှန်ရေးတာဝန်ထမ်းဆောင်စဉ် ကျဆုံးသွားသည့်နေ့ကို အကြောင်းပြု၍ ထိုနေ့ကို ကရင် အမျိုးသားအာဇာနည်နေ့အဖြစ် ၁၉၅၁ခုနှစ်၊ ဧပြီလတွင် ကျင်းပခဲ့သည့် Karen Government Body-KGB အစည်းအဝေးတွင် ဆုံးဖြတ်အတည်ပြုခဲ့ခြင်း ဖြစ်သည်။
