မူမမှန်တဲ့ ရာသီဥတုအောက်မှာ
လရောင်တွေ ကျန်းမာရေးယိုယွင်း
လတ်လတ်ဆတ်ဆတ် သစ်ရွက်တွေ
အအေးမိလိုက် အပူရှပ်လိုက်
အိပ်တန်းပြန်ငှက်တွေ ရေကြည့်လိုက်တော့
အကောင်မစုံဘူး။
အချိန်တွေ
ကြောက်ကြောက်လန့်လန့်နဲ့ နောက်ပြန်လှည့်ပြေးနေဆဲ
လိုအင်ဆန္ဒတွေ သွေးသံရဲရဲနဲ့
ရဲရဲဝံ့ဝံ့ ရှေ့ဆက်တိုးနေဆဲ
အောက်ငုံ့မကြည့်ကြနဲ့
ခူးဆွတ်ဖို့လက်တွေကို အပေါ်ဘက်ဆန့်တန်းထားပါ
ကြယ်တွေဆိုတာ
ကောင်းကင်မှာပဲ သီးကြပွင့်ကြတာ ။ ။
(ကွန်စစ်ကောင်း)
