ဒီဇင်ဘာ ၁၇ ရက်၊ ၂၀၁၉ ခုနှစ်။ စအိုင်ဆူး
ထိုင်း-မြန်မာနယ်စပ်ရှိ မယ်လဒုက္ခသည်စခန်းတွင်းက ကျောင်းဆရာ၊ ဆရာမများနှင့် ပညာရေး တာဝန်ရှိသူူူူူူူူူူူူူူူူူူူူူူူူူူူူူူူူူများသည်ပြည် တွင်းပညာ ရေးအခြေအနေများကို သွားရောက်လေ့လာသည့် အစီအစဉ်တစ်ခုကို ဒီဇင်ဘာ ၉ ရက်မှ ၁၁ ရက်အထိ
ပြုလုပ် ခဲ့ကြောင်း သိရသည်။
ဒုက္ခသည်စခန်းတွင်းရှိ ကလေးငယ်များ မြန်မာပြည်တွင်း မိမိနေရပ်သို့ ပြန်သွားခဲ့သည်ရှိသော် ၎င်းတို့၏ပညာရေးအတွက်လိုအပ်သည့် ပြင်ဆင်မှုများအနေဖြင့် ပြည်တွင်း ပညာရေး၏ သင်ယူ၊ သင်ကြားမှု အခြေအနေများကိုသိရှိရန် သွား
ရောက်လေ့လာခဲ့ခြင်းဖြစ်ကြောင်း လေ့လာရေးကို ဦးဆောင်စီစဉ်သူ စောခဲလေက ယခုလိုပြောသည်။
၎င်းက “ပညာရေးနဲ့ ပတ်သက်ပြီး ဟိုဘက်က ဘယ်လိုသင်ကြားနေလဲ။ ပညာရေးဆိုင်ရာ အုပ်ချုပ်မှုပုံစံ ဘယ်လိုရှိလဲ၊ သင်ရိုးညွှန်းတမ်းကဘယ်လိုလဲ၊ ဒုက္ခသည်စခန်းက ကျောင်းသားတွေ ကြိုတင်ပြင်ဆင်နိုင်အောင် တကယ်လို့
ကိုယ့်ဒေသရင်းကို ပြန်ဖို့ ဆုံးဖြတ်ထားသည်ရှိသော် ဘာတွေ ကြိုတင်ပြင်ဆင်ရမလဲဆိုတဲ့ ရည်ရွယ်ချက်ဖြစ်တယ်”
ဟုကေအိုင်စီသို့ပြောသည်။
Adventist Development and Relief Agency (ADRA) ၏ ဦးဆောင်စီစဉ်မှုဖြင့် ၄ ရက်တာ လေ့လာမှုတွင် မယ်လဒုက္ခသည်စခန်းမှ ကျောင်းဆရာ၊ဆရာမ (၁၅)ဦးအပါအဝင် ကရင်ဒုက္ခသည်ပညာရေးကော်မတီအဖွဲ့ (KRCEE)၊ Save the Children၊ ADRA စသည့် တာဝန်ရှိသူကိုယ်စားလှယ်များ စုစုပေါင်း (၂၄)ဦးပါဝင်၍ သွားရောက်ခဲ့ခြင်းဖြစ်သည်။
အဆိုပါ လေ့လာရေးခရီးစဉ်တွင် လှိုင်းဘွဲမြို့နယ်နှင့် ဖားအံမြို့နယ်အတွင်းရှိ အစိုးရ စာသင်ကျောင်းများ၊ ကေအဲန်ယူ-ကရင်အမျိုးသားအစည်းအရုံး၏ ကရင်ပညာရေးဌာန-KECDလက်အောက်ခံကျောင်းများ၊ အသက်မွေးဝမ်းကျောင်းဆိုင်ရာ ကျောင်းများအပြင် ကရင်ပြည် နယ် ပညာရေး တာဝန်ရှိသများနှင့်တွေ့ဆုံခဲ့ကြပြီး ပညာရေး အခြေအနေများကို
နှစ်ဖက်အပြန်အလှန် ဆွေးနွေးမှုများပြုလုပ်ခဲ့ကြသည်ဟုပါဝင်တက်ရောက်သူများက ပြောသည်။
လေ့လာရေးခရီးတွင်ပါဝင်သူ ဆရာမ နော်ဆာရှီးက “ ကျမတို့ရဲ့ သင်ကြားမှု ပုံစံနဲ့က သိပ်ကွာခြားမှုမရှိပါဘူး။ အတူတူပဲကောင်းပါ တယ်။ ဒါပေမဲ့ တစ်ခုရှိတာက ကရင်ဘာသာလိုပဲ သုံးမယ်ဆိုရင် ကျမတို့ ကလေးတွေအတွက် အခက်အခဲရှိတယ်။ ဘယ်နေရာ ရောက်ရောက် ရောက်တဲ့နေရာမှာ သုံးရမယ့် ဘာသာစကားကို သုံးကိုသုံး တတ်ရမယ်။ ဒါကြောင့် မြန်မာစာကိုတော့ ကောင်းအောင် ပြန်လုပ်ပေးရမယ်” ဟုကေအိုင်စီသို့ပြောသည်။
ကေအဲန်ယူနှင့်အစိုးရတို့အကြား ငြိမ်းချမ်းရေး ဆွေးနွေးပွဲများစ၍ အပစ်ရပ်ပြီးသည့်နောက်ပိုင်းနယ်စပ်ဒုက္ခ သည်စခန်း များကို ကူညီထောက်ပံ့ပေးသည့် နိုင်ငံတကာအဖွဲ့အစည်းများ ပြည်တွင်းထဲသို့ အာရုံစိုက်ဝင် ရောက်သွားခဲ့မှုများကြောင့် ဒုက္ခသည်စခန်းများတွင် စားနပ်ရိက္ခာ၊ ပညာရေး အစရှိသည့် ကူညီထောက်ပံ့မှုများ တဖြည်းဖြည်းလျော့နည်းလာခဲ့
ကြောင်း ဒုက္ခ သည် တာဝန်ရှိသူများက ဆိုသည်။
ထိုသို့ အကူအညီအထောက်အပံ့များ လျော့နည်းလာချိန်မှစ၍ ထိုင်း-မြန်မာ နှစ်နိုင်ငံ အစိုးရနှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး-UNHCR တို့၏ အစီအစဉ်ဖြင့် ဆန္ဒအလျောက် မိမိနေရပ်ပြန်ရေး အစီအစဉ်များ ပေါ်ပေါက်လာခဲ့သည်။ ၂၀၁၆ခုနှစ်မှစ၍ ဒုက္ခသည်များကို ယခုနှစ်အထိ တတိယအကြိမ်မြောက် ပြန်လည်ပို့ဆောင်ပေးခဲ့ပြီး ဒုက္ခသည် ၁,၀၀ဝ နီးပါး မိမိနေရပ်သို့ပြန်သွားခဲ့ကြပြီးဖြစ်သလို ပြည်တွင်းသို့ ဒုက္ခ သည်ပညာရေးကျောင်းများ ပြန်လည်
ပြောင်းရွှေ့သွားမှုများလည်းရှိခဲ့သည်။
