မေလ ၂၄ ရက်၊ ၂၀၁၉ ခုနှစ်။ ကေအိုင်စီ
ကရင်ပြည်နယ်အစိုးရအဖွဲ့ဝင်များထဲမှ ယခုမေလတစ်လအတွင်း ဝန်ကြီးနောက်တစ်ဦးဖြစ်သူ ဗမာတိုင်း ရင်းသားရေးရာဝန်ကြီး ဦးတေဇထွဋ်လှှိုင်ထွေးမှာ ယခင်တာဝန်ယူထားသည့် အစိုးရအဖွဲ့ဝင် တိုင်းရင်းသားရေး ရာဝန်ကြီးရာထူးမှ ထပ်မံနှုတ်ထွက်သွားသည်ဟု သိရသည်။
အဆိုပါ နှုတ်ထွက်မှုနှင့်ပတ်သက်ပြီး နိုင်ငံတော် သမ္မတရုံးမှ ကရင်ပြည်နယ် ဗမာတိုင်းရင်းသားရေးရာဝန်ကြီး ဦးတေဇထွဋ်လှှိုင်ထွေးအား ပြည်နယ်ဝန်ကြီးရာထူူးမှ နှုတ်ထွက်ခွင့်ပြုလိုက်ကြောင်း မေလ ၂၃ ရက်နေ့က သ တင်းထုတ်ပြန်ထားသည်။
၎င်းအပြင် ယခု မေလ ၁၆ရက်နေ့ကလည်း ကရင်ပြည်နယ် အစိုးရအဖွဲ့ဝင်ဝန်ကြီးဖြစ်သည့် လူမှုရေးဝန်ကြီး ဌာနဝန်ကြီး ဒေါက်တာတင်ဝင်းကျော်မှာ ကျန်းမာရေးအရ ရာထူးမှနှုတ်ထွက်သွားသဖြင့် ကရင်ပြည်နယ်တွင် ယခုတစ်လအတွင်း ဝန်ကြီး ၂ ဦးဆက်တိုက်နှုတ်ထွက်မှုလည်း ဖြစ်သည်။
ဗမာတိုင်းရင်းသားရေးရာဝန်ကြီး အနေဖြင့် ယခင်က လူမှုဝန်ထမ်းဦးစီးဌာန၊ ပြန်ကြားရေးနှင့် ပြည်သူ့ဆက် ဆံရေးဦးစီးဌာန၊ အားကစားနှင့်ကာယဦးစီးဌာန၊ အလုပ်သမားညွှန်ကြားမှုဦးစီးဌာန၊ လူမှုဖူလုံရေးဦးစီးဌာန စသည့် ဦးစီးဌာနများ လုပ်ငန်းများကို ဦးဆောင်လမ်းညွှန်တာဝန်ယူခဲ့ရသည်ဟု သိရသည်။
