စက်တင်ဘာ ၂ဝ ရက်၊ ၂၀၁၈ ခုနှစ်။ စောရှား
၂၀၁၈ခုနှစ်၊ တိုင်းဒေသကြီးနှင့် ပြည်နယ် အသက် (၁၇)နှစ်အောက် အမျိုးသားဘောလုံးပြိုင်ပွဲ ဗိုလ်လုပွဲကို ယနေ့( စက်တင်ဘာ ၂ဝ) ညနေတွင် ယှဉ်ပြိုင်ကစားခဲ့ရာ ကရင်ပြည်နယ်အသင်းက တနသင်္ာရီတိုင်း ဒေသကြီး အသင်းကို ၅ ဂိုး၊ ဂိုးမရှိ ဖြင့် အနိုင်ရဗိုလ်စွဲသွားသည်။
နေပြည်တော်ရှိ ဝဏ္ဏသိဒ္ဓိအားကစားကွင်း၌ ယှဉ်ပြိုင်ကစားခဲ့သည့် ၎င်းဗိုလ်လုပွဲကို ကရင်ပြည်နယ် အသင်းက ပထမပိုင်းတွင် ၃ ဂိုး၊ ဒုတိယပိုင်းတွင် ၂ ဂိုးတို့ဖြင့် တနသင်္ာရီတိုင်းဒေသကြီး အသင်းကို ဂိုးပြတ်အနိုင်ရရှိခဲ့ခြင်း လည်းဖြစ်သည်။
ပွဲစဉ်တစ်လျှောက်အကောင်းဆုံးကစားသမားဆုကို ကရင်ပြည်နယ်အသင်းမှ မန်းကိုသန်းက ရရှိခဲ့ပြီး အသက် (၁၇)နှစ်အောက် ကရင်ပြည်နယ်ဘောလုံးအသင်းအနေဖြင့် ပထမဆုံးအကြိမ် ချန်ပီယံဆုဖလား ကိုင်မြှောက် နိုင်ခဲ့ခြင်းလည်း ဖြစ်ကြောင်း သိရသည်။
ကရင်ပြည်နယ်အသင်းသည် ကွာတားဖိုင်နယ်အဆင့်တွင် စစ်ကိုင်းတိုင်းဒေသကြီးကို ၂ ဂိုး ၁ ဂိုးဖြင့် အနိုင်ရရှိ ခဲ့ပြီး ဆီမီးဖိုင်နယ်တွင် ကယားပြည်နယ်အသင်းကို ၃ ဂိုး ၁ ဂိုးဖြင့် အနိုင်ရရှိ ကျော်ဖြတ်နိုင်ခဲ့ခြင်း ဖြစ်သည်။
