ဇွန် ၈ ရက်၊ ၂၀၂ဝ ပြည့်နှစ်။ စောရှား
Covid-19 ကာလ Social distancing စနစ်ဖြင့် ကရင်ပြည်နယ်ရှိ အထက်တန်းအဆင့်(နဝမတန်းနှင့် ဒဿမ တန်း) ကျောင်းများ အားလုံးကို ဇူလိုင်လ ၂၁ ရက်တွင် စတင်ဖွင့်လှစ်သွားမည်ဟု ပြည်နယ်ပညာရေးမှူးရုံးထံမှ သိရသည်။
ပညာရေးဝန်ကြီးဌာန၊ အခြေခံပညာဦးစီးဌာန၏ ၂၀၂၀-၂၀၂၁ ပညာသင်နှစ် အခြေခံပညာကျောင်းများဖွင့်လှစ် နိုင်ရေးဆောင်ရွက်ရမည့်လုပ်ငန်းအစီအစဉ်အတိုင်းဖြစ်ကြောင်း ပြည်နယ်ပညာရေးမှူးရုံး ဒုတိယ ညွှန်ကြားရေး မှူး ဦးစိုးဝင်းက ပြောသည်။
၎င်းက “Social distancing ပဲ။ ၆ ပေ အကွာအဝေးလေကွာ မင်းတို့ကလည်း၊ (နှာခေါင်းစည်း- mask တွေက တော့) ဌာနကလည်းပေးမယ်။ ကျောင်းတွေကလည်း ပြင်ထားတယ်။ လက်ဆေးခုံကတော့ မင်းတို့လှူမှရမယ်” ဟု ကေအိုင်စီသို့ ယနေ့ (ဇွန် ၈ ရက်)တွင် ပြောသည်။
ကရင်ပြည်နယ်ရှိ ကျောင်းများဖွင့်လှစ်သင်ကြားသည့်အခါ ကျောင်းသူ၊ ကျောင်းသား၊ ဆရာ၊ ဆရာမများ အနေ ဖြင့် တစ်ဦးနှင့်တစ်ဦး ၆ ပေအကွာနေကာ လူဦးရေအလိုက် အချိန်ခွဲ သင်ကြားသွားနိုင်ရန် စီစဉ်ထားကြောင်း ဦးစိုးဝင်းက ဆက်ပြောသည်။
ထို့အပြင် အထက်တန်းအဆင့် ကျောင်းအပ်နှံရေး သီတင်းပတ်အဖြစ် ဇူလိုင်လ ၁၃ ရက်မှ ၁၇ ရက်နေ့အထိ သတ်မှတ်ထားကြောင်းလည်း ကရင်ပြည်နယ်ပညာရေးမှူးရုံးထံမှ သိရသည်။
အခြေခံပညာအထက်တန်းအဆင့်များ ဖွင့်လှစ်သည့် ဇူလိုင်လ ၂၁ ရက်နေ့နောက်ပိုင်း COVID-19 ရောဂါ ပြန့်ပွားကူးစက်မှု အခြေအနေအရ အလယ်တန်းနှင့်မူလတန်းအဆင့်များကို တစ်ဆင့်ချင်းစီ ဖွင့်လှစ်နိုင်ရေး ဆက်လက်အကြောင်းကြားသွားမည်ဟုလည်း အခြေခံပညာဦးစီးဌာနမှ ညွှန်ကြားထားသည်။
