Home ဆောင်းပါး ကရင်ပြည်နယ်၏ ရွေးကောက်ပွဲရလဒ်အပေါ် ဆန်းစစ်ခြင်း

ကရင်ပြည်နယ်၏ ရွေးကောက်ပွဲရလဒ်အပေါ် ဆန်းစစ်ခြင်း

480

စောထွန်းလင်း (နိုဝင်ဘာ ၁၈ရက်၊ ၂၀၂၀ ပြည့်နှစ်)

နိုဝင်ဘာ ၈ ရက်တွင် ကျင်းပခဲ့သည့် ၂၀၂၀ အထွေထွေရွေးကောက်ပွဲကြီးတွင် ကရင်ပြည် နယ်၌ ပြည်သူ့လွှတ်တော် မဲဆန္ဒနယ် ၇ နေရာ၊ အမျိုးသားလွှတ်တော် မဲဆန္ဒနယ် ၁၂ နေရာ၊ ပြည်နယ် လွှတ်တော် မဲဆန္ဒနယ် ၁၄ နေရာနှင့် တိုင်းရင်းသားလူမျိုးရေးရာ မဲဆန္ဒနယ် သုံး နေရာ စုစုပေါင်း ၃၆ နေရာရှိပြီး ကိုယ်စားလှယ်လောင်း စုစုပေါင်း ၁၉၉ ဦး ဝင်ရောက်ယှဉ်ပြိုင်ခဲ့ကြသည်။

ရွေးကောက်ပွဲအပြီး ရလဒ်များကို ပြည်နယ်ရွေးကောက်ပွဲကော်မရှင်က ထုတ်ပြန်ခဲ့ရာ ပြည် သူ့လွှတ်တော် ၇ နေရာတွင် အမျိုးသားဒီမိုကရေစီအဖွဲ့ချုပ်က ၆ နေရာ၊ အမျိုးသား လွှတ်တော် ၁၂ နေရာတွင်လည်း အမျိုးသားဒီမိုကရေစီအဖွဲ့ချုပ်က ၁၁ နေရာကို လည်း ကောင်း၊ ပြည်နယ် လွှတ်တော် ၁၄ နေရာတွင် NLD က ၁၁ နေရာနှင့် တိုင်းရင်းသား ရေးရာသုံးနေရာတွင် နှစ်နေရာ စုစုပေါင်း နေရာ ၃၀ တွင် အနိုင်ရခဲ့သည်။ အနိုင်ရမှုရာ ခိုင်နှုန်းမှာ ၈၃ ရာခိုင်နှုန်းကျော်ဖြစ်သည်။

ကျန် ၆ နေရာတွင် ဖာပွန်မြို့နယ် မဲဆန္ဒနယ် လေးနေရာစလုံးကို ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီက အနိုင်ရခဲ့ပြီး ကရင်ပြည်သူ့ပါတီက သံတောင်ကြီး ပြည်နယ်လွှတ်တော် အမှတ် ၁ နှင့် မွန်အမျိုးသားပါတီက မွန်တိုင်းရင်းသားရေးရာဝန်ကြီးနေရာတို့သာ အနိုင်ရရှိခဲ့သည်။

ရွေးကောက်ပွဲတွင် ကရင်ပြည်နယ်၌ အကြိတ်အနယ်ဖြစ်ပေါ်ခဲ့သည့် မဲဆန္ဒနယ်များ၊ ကိုယ်စား လှယ်လောင်းအများဆုံးမဲဆန္ဒနယ်နှင့် မဲအများဆုံးရသည့် ကိုယ်စားလှယ်လောင်းများ စသည့်အခြေအနေများကို ဆန်းစစ်ကြည့်ရန် လိုအပ်မည်ဖြစ်သည်။

အကြိတ်အနယ်ရှိဆုံး မဲဆန္ဒနယ်များကရင်ပြည်နယ်အတွင်း အကြိတ်အနယ်ရှိဆုံး မဲဆန္ဒနယ်မှာ လှိုင်းဘွဲမြို့နယ်အတွင်းရှိ အမျိုးသားလွှတ်တော် အမှတ် ၉ မဲဆန္ဒနယ် ဖြစ်သည်ကိုတွေ့ရသည်။ အဆိုပါ မဲဆန္ဒနယ်တွင် NLD မှ နန်းမိုးမိုးထွေး၊ ကရင်အမျိုးသား ဒီမိုကရက်တစ်ပါတီမှ စောမြင့်ဟန်၊ USDP မှ ဦးထွန်းထွန်းဦး၊ ပြည်ထောင်စုကောင်းကျိုး ဆောင်ပါတီမှ ဦးမြတ်ကျော်တို့ အသီးသီးဝင်ရောက်ယှဉ်ပြိုင်ခဲ့ကြသည်။

အဆိုပါ နေရာတွင် မဲပေးခွင့်ရှိသူ ၁၂၃,၈၆၁ ဦးရှိသည့်အနက် မဲလာပေးသူ ၅၈,၇၄၆ ဦးရှိသည့်အတွက် မဲပေးမှုရာခိုင်နှုန်းမှာ ၄၇.၄၃ ရာခိုင်နှုန်းရှိသည်ကို တွေ့ရသည်။

မဲပေးသူများထဲတွင် ခိုင်လုံမဲ ၅၄,၀၄၁ မဲရှိသည့်အတွက် ပယ်မဲ ၄,၇၀၅ မဲရှိသည်ဟု မှတ်ယူနိုင်သည်။
မဲရလဒ်များအရ NLD မှ နန်းမိုးမိုးထွေးက ၂၀,၁၄၆ မဲ၊ KNDP မှ စောမြင့်ဟန်က ၂၀,၁၄၁ မဲ၊ USDPမှ ဦးထွန်းထွန်းဦး က ၁၃,၀၉၁ မဲနှင့် UBP မှ ဦးမြတ်ကျော်က ၆၆၃ မဲ အသီးသီးရရှိကာ NLD က ငါးမဲအသာဖြင့် အနိုင်ရသွားသည်။ မဲရလဒ် ကွာခြားမှုအနည်းဆုံးဖြစ်ကာ NLD နှင့် KNDP တို့ အကြိတ်အနယ်ယှဉ်ပြိုင်ခဲ့ကြသည်ကို တွေ့ရသည်။

ဒုတိယ အကြိတ်အနယ်အရှိဆုံးမဲဆန္ဒနယ်မှာ ဖာပွန်၊ ပြည်နယ်လွှတ်တော် အမှတ် ၂ ဖြစ်ပြီး ကိုယ်စားလှယ် ခြောက်ဦး ဝင်ရောက်ယှဉ်ပြိုင်ခဲ့ရာ USDPမှ စောမျိုးမြင့်က ၄,၀၃၀ မဲ၊ ဒုတိယ နေရာတွင် NLD မှ စောညီညီမောင်က ၃,၇၃၇ မဲရရှိပြီး မဲကွာခြားမှုမှာ ၂၉၃ မဲသာရှိသည်ကိုတွေ့ရသည်။

ထို့အပြင် အကြိတ်အနယ်ရှိဆုံးမဲဆန္ဒနယ်မှာ ဖာပွန် အမျိုးသားလွှတ်တော်အမှတ် ၅ ဖြစ်ပြီး USDP နှင့် NLD တို့ အဓိကယှဉ်ပြိုင်ခဲ့ကြသည်။ အဆိုပါနေရာတွင် မဲပေးခွင့်ရှိသူ ၂,၂၈၃၀ ဦးရှိသည့်အနက် မဲလာပေးသူ ၁၆,၀၃၈ ဦးရှိကာ ခိုင်လုံမဲ ၁၅,၄၇၆ ရှိသည့်အတွက် ပယ်မဲ ၅၆၂ မဲဖြစ်သည်။

မဲရလဒ်များမှာ USDP မှ ဦးစိုင်းသန်းနိုင်က ၇,၇၄၁ မဲ၊ NLD မှ ဦးစည်သူဟန်က ၆,၀၃၂ မဲ၊ KNDP မှ စောကျော်စိုးလင်းက ၁,၂၇၈ မဲ၊ UBP မှ ဦးစိုင်းသိန်းကြွယ်က ၃၆၅ မဲရရှိခဲ့ရာ USDP က ၁,၂၅၁ မဲ အသာဖြင့် အနိုင်ရသွားသည်။

လှိုင်ဘွဲမြို့နယ် အမျိုးသားလွှတ်တော်-အမှတ် ၉ နှင့် နယ်မြေတူသည့် လှိုင်းဘွဲ ပြည်နယ်လွှတ် တော် အမှတ် ၂ မဲဆန္ဒနယ်တွင်လည်း NLD မှ လက်ရှိ ပြည်နယ်လွှတ်တော်ဥက္ကဋ္ဌ စောချစ်ခင် နှင့် KNDP ဥက္ကဋ္ဌ မန်းအောင်ပြည်စိုးတို့ အကြိတ်အနယ် ယှဉ်ပြိုင်ခဲ့ကြပြီး NLD က ၂၀,၄၉၉ မဲ၊ KNDP က ၁၉,၁၂၉ မဲ၊ USDP မှ စောစိုးဝင်းက ၁၃,၀၇၆ မဲ၊ တသီးပုဂ္ဂလကိုယ်စားလှယ် စောကျော်လွင်ဦးက ၁,၇၉၇ မဲနှင့် UBP မှ ဦးအောင်တိုးဝင်းက ၆၉၈ မဲရရှိကာ မဲကွာခြားချက် ၁,၃၇၀ မဲအသာဖြင့် NLD က အနိုင်ရသွားသည်။

ထို့အပြင် သံတောင်ကြီးမြို့နယ် ပြည်နယ်လွှတ်တော် အမှတ် ၁ တွင်လည်း ကရင်ပြည်သူ့ပါတီ KPP နှင့် NLD တို့ အကြိတ်အနှယ်ရှိခဲ့ပြီး KPP မှ စောခရစ္စတိုဖာက NLDမှ စောယောဟန် ကညောစေးကို ၁,၃၈၄ မဲ အသာဖြင့် အနိုင်ရခဲ့သလို၊ သံတောင်ကြီး ပြည်နယ်အမှတ် ၂ တွင်မူ NLDမှ စောမောင်ထူးက KPP မှ စောဂျေအေဝင်းမြင့်ကို ၁,၄၈၁ မဲ အသာဖြင့် အနိုင်ရသွားခဲ့သည်။

မဲပေးမှုရာခိုင်နှုန်း အများဆုံးနှင့်အနည်းဆုံး မဲဆန္ဒနယ်
ပြည်နယ်အတွင်း မဲဆန္ဒနယ် ၃၆ နေရာရှိသည့်အနက် ဖာပွန်နှင့် သံတောင်ကြီးမြို့နယ်တို့တွင်သာ မဲပေးမှု ရာခိုင်နှုန်းများသည်ကိုတွေ့ရပြီး ကျန်မြို့နယ်များတွင် မဲပေးမှုရာခိုင်နှုန်း ၅၀ ရာခိုင်နှုန်းဝန်းကျင်သာ ရှိသည်။

ပြည်နယ်အတွင်း မဲပေးမှုရာခိုင်နှုန်း အများဆုံး မဲဆန္ဒနယ်မှာ ဖာပွန်မြို့နယ် အမှတ် ၁ မဲဆန္ဒနယ် ဖြစ်ပြီး အဆို နေရာတွင် မဲပေးခွင့်ရှိသူ ၇,၇၉၀ ဦး ရှိသည့်အနက် မဲလာပေးသူ ၆,၃၅၃ ဦး ရှိသည့်အတွက် မဲပေးမှု ရာခိုင်နှုန်း မှာ ၈၁.၅၅ ရာခိုင်နှုန်းရှိကာ ပြည်နယ် တစ်ခုလုံးတွင် မဲပေးမှုအများဆုံး မဲဆန္ဒနယ် ဖြစ်သည်။ အဆိုပါ မဲဆန္ဒနယ် တွင် USDP မှ ဦးစိုင်းသန်းနိုင်က အနိုင်ရသွားသည်။

ပြည်နယ်အတွင်း မဲပေးမှုရာခိုင်နှုန်း အနည်းဆုံး မဲဆန္ဒနယ်မှာ မြဝတီမြို့နယ် အမျိုးသား လွှတ်တော် အမှတ် ၁၁ မဲဆန္ဒနယ် ဖြစ်ပြီး အဆိုပါနေရာတွင် မဲပေးခွင့်ရှိသူ ၁၀၃,၄၅၅ ဦးရှိပြီး မဲလာပေးသူ ၄၈,၈၈၀ ဦးရှိသည့်အတွက် မဲပေးမှုရာခိုင်နှုန်းမှာ ၄၇.၂၅ ရာခိုင်နှုန်း သာရှိပြီး ကရင်ပြည်နယ် တစ်ခုလုံးတွင် မဲပေးမှု အနည်းဆုံး မဲဆန္ဒနယ် ဖြစ်သည်ကိုတွေ့ရသည်။ အဆိုပါ မဲဆန္ဒနယ်တွင် NLD မှ လက်ရှိ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက အနိုင်ရသွားသည်။

ကိုယ်စားလှယ်အများဆုံးဝင်ရောက်ယှဉ်ပြိုင်သည့် မဲဆန္ဒနယ်များပြည်နယ်အတွင်း မဲဆန္ဒနယ် ၃၆ နေရာတွင် ကိုယ်စားလှယ် အများဆုံးဝင်ပြိုင်သည့် မဲဆန္ဒနယ်များမှာ ဖားအံမြို့နယ်၏ မဲဆန္ဒနယ်မြေများဖြစ်ပြီး ဖားအံမြို့နယ် ပြည်သူ့လွှတ်တော်မဲဆန္ဒနယ်နှင့် အမျိုးသားလွှတ် တော် အမှတ် ၆ တွင် ခုနစ်ဦးစီ၊ ဖားအံမြို့နယ် ပြည်နယ်လွှတ်တော် အမှတ် ၁ နှင့် အမှတ် ၂ တို့တွင် ကိုးဦးစီနှင့် ဗမာတိုင်းရင်းသားရေးရာ၌ ကိုးဦး အသီးသီးဝင်ပြိုင်ခဲ့ကြသည်ကိုတွေ့ရသည်။

ထူးခြားသည်မှာ ထိုသို့ ကိုယ်စားလှယ် အများအပြားဝင်ပြိုင်ကြသည့် မဲဆန္ဒနယ် အားလုံးတွင် NLD ကိုယ်စားလှယ် များအားလုံး မဲရာခိုင်နှုန်း ၅၀ ရာခိုင်နှုန်းကျော်ဖြင့် အပြတ်အသတ် အနိုင်ရသွားသည်ကိုတွေ့ ရသည်။ ကိုယ်စားလှယ်များသော်လည်း မဲမကွဲ ဟု ဆိုနိုင်သည်။

မဲကွဲ၍ ပြိုင်ဘက်အသားရခဲ့သည့် မဲဆန္ဒနယ်များကရင်ပြည်နယ်အတွင်း တိုင်းရင်းသားပါတီ အချင်းချင်း မဲကွဲသွားသည့်အတွက် အခြားပါတီက အနိုင်ရသွားသည့် မဲဆန္ဒနယ်သုံး နေရာခန့်ရှိသည်ကို ယခုရွေးကောက်ပွဲတွင် တွေ့ရသည်။

သံတောင်ကြီးမြို့နယ် ပြည်နယ်လွှတ်တော် မဲဆန္ဒနယ် အမှတ် ၂ တွင် ကရင်ပြည်သူ့ပါတီနှင့် ကယန်းအမျိုးသားပါတီတို့ မဲကွဲသွားပြီး NLD က အနိုင်ရရှိသွားသည်။

အဆိုပါ မဲဆန္ဒနယ်၏ မဲရလဒ်များမှာ NLD မှ စောမောင်ထူးက ၈,၇၇၇ မဲ၊ KPP မှ စောဂျေအေဝင်းမြင့်က ၇,၂၉၆ မဲနှင့် ကယန်းအမျိုးသားပါတီမှ နန်းဝေဝေထွန်းက ၃,၅၆၆ မဲ၊ USDP မှ စောကျော်ရွှေက ၁,၆၀၉ မဲနှင့် UBP စောဂေထူးက ၅၂၄ မဲ အသီးသီးရရှိခဲ့ပြီး ကရင်နှင့် ကယန်း မဲပေါင်းမှာ အနိုင်ရကိုယ်စားလှယ်ထက် မဲပိုများသည်ကိုတွေ့ရသည်။

အလားတူ ကြာအင်းဆိပ်ကြီး အမျိုးသားလွှတ်တော် အမှတ် ၄ တွင်လည်း ကရင်နှင့် မွန်ပါတီတို့ မဲကွဲမှုဖြစ်ခဲ့သည်ကိုတွေ့ရသည်။

အဆိုပါ မဲဆန္ဒနယ်၏ မဲရလဒ်များမှာ NLD မှ စောယှားဖောင်အွာက ၁၇,၆၃၆ မဲ၊ မွန်ညီညွတ်ရေးပါတီမှ ဒေါ်ဝေသီဖြိုးက ၉,၇၁၉ မဲ၊ KNDP မှ စောမြင့်ထွေးက ၉,၀၂၁ မဲ၊ USDP မှ စောမြဝင်းက ၇,၂၃၂ မဲနှင့် UBP မှ ဒေါ်အေးသွယ်က ၃၃၄ မဲတို့ အသီးသီးရရှိခဲ့သည်။ ထို့ကြောင့် မွန်နှင့် ကရင်ပါတီနှစ်ခုပေါင်းမဲမှာ အနိုင်ရကိုယ်စားလှယ်ထက်ပိုများသည်ကို တွေ့ရသည်။

ထို့အပြင် ကြာအင်းဆိပ်ကြီး ပြည်နယ်လွှတ်တော် အမှတ် ၂ တွင်လည်း မွန်နှင့်ကရင်တို့ မဲကွဲခဲ့ သည်ကို တွေ့ရသည်။ အဆိုပါ မဲဆန္ဒနယ်၏ မဲရလဒ်များမှာ NLD မှ ဦးတင်မျိုးဦးက ၁၆,၉၆၇ မဲ၊ KNDP မှ စကျော်စွာက ၁၀,၃၆၃ မဲ၊ မွန်ညီညွတ်ရေးပါတီမှ ဦးချမ်းမွန်က ၁၀,၂၀၇ မဲ၊ USDP မှ ဦးခိုင်ဝင်းက ၆,၂၃၆ မဲ၊ UBP မှ ဦးအောင်ဇော်ထွန်းက ၂၄၉ မဲ တို့ အသီးသီးရရှိခဲ့ သည်။ ထို့ကြောင့် တိုင်းရင်းသားပါတီနှစ်ခု၏မဲမှာ အနိုင်ရကိုယ်စားလှယ်ထက် ပိုများသည်ကို တွေ့ရသည်။

အလားတူ ကော့ကရိတ်မြို့နယ် အမျိုးသားလွှတ်တော်အမှတ် ၂ တွင် မွန်နှင့် ကရင်ပါတီ နှစ်ခု ပေါင်းမှာ အနိုင်ရ NLD ထက် မဲ ပိုများသလို ကော့ကရိတ် ပြည်နယ်လွှတ်တော် အမှတ် ၂ တွင်လည်း မွန်ပါတီနှင့် တသီးပုဂ္ဂလ ကိုယ်စားလှယ် (KNDP ကိုယ်စားလှယ်လောင်းအဖြစ် လျှောက်ထားရာတွင် ကန့်ကွက်ခံရ၍ တသီးပုဂ္ဂလဝင်ပြိုင်သူ) တို့၏မဲမှာ အနိုင်ရကိုယ် စားလှယ်ထက် ပိုများသည်ကို တွေ့ရသည်။

အထက်ပါအချက်အလက်အရ ကရင်ပြည်နယ်၏မဲဆန္ဒနယ်မြေများတွင် ပြည်သူ လူထု၏မဲပေးမှုသည် ပျမ်းမျှ ၅၀ ရာခိုင်နှုန်း နှင့်အထက်ရှိခဲ့သဖြင့် ရွေးကောက်ပွဲတွင် ပြည်သူများ၏ပါဝင်မှု မြင့်မားသည်ဟု ဆိုနိုင်သည်။

သို့သော်လည်း ရွေးကောက်ပွဲရလဒ်အရ ၎င်းပြည်နယ်တွင် တိုင်းရင်းသားပါတီများထက် NLD က လွှမ်းမိုးမှုပိုမိုကြီးမားနေသည်ကိုတွေ့ရပြီး တိုင်းရင်းသားပါတီများအနေဖြင့် နေရာအနည်းငယ်တွင် အနိုင်ရသင့်သည့် အခြေအနေရှိခဲ့သော်လည်း မဲကွဲခြင်းကြုံ တွေ့ခဲ့ရကာပြိုင်ဘက်ကို အသာရစေခဲ့ကြောင်းလည်း တွေ့ရသည်။

ထို့ကြောင့် ကရင်ပြည်နယ်ရှိ တိုင်းရင်းသားပါတီများအနေဖြင့် မဲကွဲသည့်ပြသနာကို လတ်တလောအဖြေရှာရန် လိုအပ်မည်ဖြစ်ပြီး လာမည့်ရွေးကောက်ပွဲများတွင် ပြည်နယ် အတွင်း အသာရနိုင်ရေးအတွက်ကိုမူ NLD ကဲ့သို့ နိုင်ငံရေးသြဇာထူထောင်နိုင်ရန် လိုအပ်နေကာ ထိုသို့ နိုင်ငံရေးသြဇာထူထောင်နိုင်မှသာ ပြည်သူများ အပေါ်လွှမ်းမိုးနိုင်မည်ဖြစ်ကြောင်းနှင့် လာမည့်ရွေးကောက်ပွဲများတွင် အသာရရှိနိုင်မည်ဖြစ်ကြောင်း တင်ပြလိုက်ရပါသည်။