Home သတင်း ကေအဲန်ယူ တောင်ငူခရိုင်တွင် သိန်း ၂၀၀ ကျော်တန်ဘိုးရှိ Covid -19 ကာကွယ်ရေး ပစ္စည်းများဖြန့်ဝေ

ကေအဲန်ယူ တောင်ငူခရိုင်တွင် သိန်း ၂၀၀ ကျော်တန်ဘိုးရှိ Covid -19 ကာကွယ်ရေး ပစ္စည်းများဖြန့်ဝေ

11022

မတ် ၃၁ရက်၊ ၂၀၂၀ ပြည့်နှစ်။ စောထွန်းလင်း

ကေအဲန်ယူ- ကရင်အမျိုးသားအစည်းအရုံး၊ တောင်ငူခရိုင်အတွင်းရှိ ကျေးရွာများသို့ ကိုဗစ်-၁၉ ကာကွယ်ရေး အတွက် ကျပ်သိန်း ၂၀၀ ကျော် တန်ဘိုးရှိ တကိုယ်ရေသန့်ရှင်းရေးသုံး ပစ္စည်းများကို The Consortium of Dutch NGOs (CDN) နှင့် ကေအဲန်ယူတို့ ပူးပေါင်းကာ မတ် ၃၁ ရက်နေ့တွင် စတင်ဖြန့်ဝေသွားမည်ဟု တောင်ငူခရိုင် ဥက္ကဋ္ဌ ပဒိုစောအယ်ဝါးက ကေအိုင်စီသို့ ပြောသည်။

၎င်းက “ကေအဲန်ယူ၊ တောင်ငူခရိုင်လက်အောက်ခံ မြို့နယ် ၃ ခုက ကျေးရွာတွေကို ကိုဗစ်ကာကွယ်ရေး အသိ ပညာပေးတာတွေ လုပ်ဆောင်နေတယ်။ အထူးသဖြင့် ကာကွယ်ရေး အပိုင်းဖြစ်တဲ့ လက်ဆေးတာတွေကို အ သိပညာပေးတယ်။ နောက်ဆက်တွဲ အနေနဲ့ CDN နဲ့ ပူးပေါင်းပြီးတော့ LIFT (The Livelihoods and Food Security Trust Fund) အဖွဲ့ရဲ့ ပံ့ပိုးမှုနဲ့ တကိုယ်ရေသုံးသန့်စင်ရေး ပစ္စည်းသိန်း ၂၀၀ ကျော်ဖိုးကို ကျေးရွာတွေ မှာ ဒီနေ့ စဖြန့်ဝေတယ်” ဟု ပြောသည်။

CDN အနေဖြင့် ကေအဲန်ယူ၊ တောင်ငူခရိုင်အတွင်း၌ ခရိုင်တာဝန်ရှိသူများနှင့် ပူးပေါင်းကာ တောင်သူများ နည်း ပညာနှင့် ဝင်ငွေတိုးရေး၊ ကလေးသူငယ်နှင့် အမျိုးသမီးများ အဟာရမြှင့်တင်ခြင်း လုပ်ငန်းစဉ်များကို လုပ် ဆောင်နေသည့်အဖွဲ့ဖြစ်ကြောင်း စီမံကိန်းညှိနှိုင်းရေးမှူး စောအယ်ကလယ်ထူးက ကေအိုင်စီသို့ ပြောသည်။

“ ဒီဧရိယာထဲမှာ NGO အနေနဲ့ ကျနော်တို့ လုပ်ဆောင်နေတယ်။ ကိုဗစ်-၁၉ ဖြစ်လာတော့ ဒီဒေသထဲမှာ လိုအပ်နေတဲ့ အသိပညာပေးတာတွေကို LIFT ရဲ့ပံ့ပိုးမှုနဲ့ တစ်ကိုယ်ရေသုံး သန့်စင်ရေးပစ္စည်း အခုရေ ၁၅၀၀ ကို ကေအဲန်ယူရဲ့ ဦးဆောင်မှုနဲ့ ကျနော်တို့ဝေတာပေါ့နော်”ဟု စောအယ်ကလယ်ထူးက ကေအိုင်စီသို့ ပြောသည်။

လက်ရှိ မြန်မာပြည်တွင် ကိုဗစ်-၁၉ ဖြစ်ပွားသူ ၁၄ ဦးရှိပြီး ဖြစ်သလို ကေအဲန်ယူ-ကရင်အမျိုးသားအစည်းအရုံး ကလည်း ထိန်းချုပ်နယ်မြေများတွင် အသိပညာပေး၊ ကာကွယ်ရေး လုပ်ငန်းများကို လုပ်ဆောင်လျက်ရှိကြောင်း သိရသည်။