Home သတင်း ညှိနှိုင်းရေးလမ်းစ ဖော်ဆောင်ရမည့် ကရင်ပါတီများ

ညှိနှိုင်းရေးလမ်းစ ဖော်ဆောင်ရမည့် ကရင်ပါတီများ

1030

၂၀၁၅၊ နိုဝင်ဘာတွင် ကျင်းပခဲ့သည့် အထွေထွေရွေးကောက်ပွဲတွင် ကရင်ပါတီများ အရှုံးကြီးရှုံးခဲ့ပြီးနောက် နှစ်ပတ် ခန့်အကြာ နိုဝင်ဘာ ၂၂ရက်တွင် ကရင်အမျိုးသား စည်းလုံးရေးနှင့် ညီညွတ်ရေးကော်မတီ (KUPC)က ကမကထပြု ကာ ကရင်ပါတီများပေါင်းစည်းရေးအတွက် အစည်းအဝေးတစ်ခုကို ရန်ကုန်မြို့တွင် ကျင်းပခဲ့သည်။ ယင်းသည် ရွေး ကောက်ပွဲရလဒ်အပေါ် ကရင်ပါတီများ လျင်မြန်စွာ သင်ခန်းစာယူကာ အားသစ်လောင်းမည့် အစီအစဉ်အစဟု မှတ် ယူနိုင်သည်။

သို့သော် ယခု လေးနှစ်အကြာတွင်မူ ကရင်ပါတီများ ပေါင်းစည်းရေး တစ်ဝက်တစ်ပျက် အခြေအနေသာ ရှိသေးပြီး ညှိနှိုင်းရေးလမ်းစသည်လည်း ခပ်ရေးရေးသာရှိသည်ကိုတွေ့ရသည်။ တိတိကျကျဆိုရလျှင် ၂၀၁၈ နိုဝင်ဘာတွင် ကရင်ပါတီများ နောက်ဆုံးအကြိမ် တွေ့ဆုံပြီး ကရင်ပါတီများ ညှိနှိုင်းရေးကော်မတီတစ်ခုကို ဖွဲ့စည်းနိုင်ခဲ့သော်လည်း မည်မျှအထိ ညှိနှိုင်းမှုပြုလုပ်နိုင်သည်ကိုမူ မတွေ့ရသေးဘဲ ဖြစ်နေသည်။

ကရင်နိုင်ငံရေးပါတီများသည် ၂၀၁၀ ရွေးကောက်ပွဲတွင် တစ်ကျော့ပြန် ပေါ်ပေါက်လာခဲ့ပြီးနောက် ဆယ်စုနှစ်တစ်ခု သက်တမ်းအရ ၂၀၁၀ ရွေးကောက်ပွဲ၌ ကရင်ပါတီများ အထိုက်အလျောက် အနိုင်ရခဲ့သည်။ သို့သော် ၂၀၁၅ ရွေးကောက်ပွဲတွင်မူ မရှုံးရုံတမယ် တစ်ဦးသာ အနိုင်ရရှိခဲ့ပြီး ၂၀၁၀ ရွေးကောက်ပွဲ၏ အနိုင်ရစံနှုန်းကို မမှီတော့ဘဲ ဖြစ်ခဲ့ရသည်။

ထိုသို့ ရှုံးနိမ့်ခြင်းသည် အများပြည်သူက စစ်အုပ်ချုပ်ရေး၏ အငွေ့အသက်ကို အပြောင်းအလဲလိုကြပြီး အင်အားကြီး အတိုက်အခံ NLD ကို စုပုံမဲပေးခဲ့ခြင်းကြောင့်ဟု ဆိုနိုင်သော်လည်း အဆိုပါဖြစ်စဉ်သည် အကြောင်းပြချက်တစ်ခု သာ ဖြစ်သည်။ အဘယ်ကြောင့်ဆိုသော် အစိုးရဖွဲ့နိုင်သည့် ပြည်ထောင်စုလွှတ်တော်အတွက် NLD ထံ မဲပေးတော့ မည်ကို ရိပ်မိပြီး ကရင်ပါတီများက ကျန်ပြည်နယ်လွှတ်တော်နှင့် ကရင်တိုင်းရင်းသားရေးရာ ဝန်ကြီးများနေရာတွင် မဲရရှိရန် ကရင်ပြည်သူများကို စည်းရုံးလုပ်ဆောင်နိုင်ပါလျက် မလုပ်ဆောင်ဖြစ်ခဲ့ပေ။

၎င်းအပြင် ၂၀၁၅ တွင် ကရင်ပါတီအချင်းချင်း မဲမသဲကွဲ၍ သံတောင်ကြီးမြို့နယ် ပြည်သူ့လွှတ်တော်၊ ပြည်နယ်လွှတ် တော် အမှတ် (၁)တို့တွင် နှစ်နေရာ ရှုံးနိမ့်သွားပြန်သည်။ အကယ်၍ အဆိုပါ မဲဆန္ဒနယ်များတွင် ကရင်ပါတီ အချင်း ချင်း နေရာမထပ်ရေး ကြိုတင် ညှိနှိုင်းထားနိုင်ခဲ့သော် အနိုင်ရရန် သေချာသည်။ လက်ရှိအချိန်တွင်မူ ကရင်ပြည်သူ များ၏ နိုင်ငံရေးရေချိန်သည် မြင့်တက်လာပြီး အင်အားကြီးပါတီများကို မဲပေးရန် ချင့်ချိန်လာနေကြောင်း တွေ့ရှိကြား သိနေရသည်။ ၂၀၁၅ တွင် အနိုင်ရခဲ့သည့် ရခိုင်နှင့် ရှမ်း လွှတ်တော်အမတ်များက လွှတ်တော်အတွင်း မိမိတို့ တိုင်း ရင်းသားအရေး အတိုင်းအတာတစ်ခုထိ လုပ်ပြနိုင်သည်ကိုလည်း မြင်တွေ့နေရသည်။

ကရင့်ရေးရာ ကိစ္စရပ်များကို အင်အားကြီးပါတီ လက်အောက်ခံ ကိုယ်စားလှယ်များအနေဖြင့် ပါတီ၏ ပေါ်လစီအ တိုင်းသာ လုပ်ဆောင်နိုင်သလို ကရင်ပါတီများကလည်း ကရင်ပြည်သူများအတွက် ပိုမိုလုပ်ဆောင်နိုင်ရမည်ဖြစ် သည်။ ထို့အတွက် မည်သည့်အင်အားကြီးပါတီ၏ အစိုးရအဖွဲ့ကိုမဆို အပြန်အလှန် ထိန်းကြောင်းနိုင်ရန် ကရင်ရေး ရာနှင့် တိုင်းရင်းသားအရေး လုပ်ဆောင်ပေးနိုင်ရန် လွှတ်တော်များတွင် ကရင်အမတ်များရှိရမည်ဟု ယူဆသည်။

လာမည့်နှစ် ၂၀၂၀ ရွေးကောက်ပွဲတွင် ကရင်ပါတီများက အာဏာရ NLD ပါတီနှင့် အဓိက ယှဉ်ပြိုင်ရဖွယ် ရှိသည်။ NLD ပါတီကလည်း ကြားဖြတ်ရွေးကောက်ပွဲတွင် တိုင်းရင်းသားနယ်မြေများ၌ ရှုံးနိမ့်ခဲ့မှုကို သင်ခန်းစာယူကာ ပါတီ အတွင်း တိုင်းရင်းသားရေးရာကော်မတီကို ဖွဲ့စည်းခြင်းဖြင့် ပြင်ဆင်လာသည်ကို တွေ့ရသည်။ ထို့အတွက် ကရင်ပါတီ များအနေဖြင့် မိမိတို့၏ စုစည်းညီညွှတ်မှု၊ တာဝန်ခွဲဝေမှုများဖြင့် သက်ဆိုင်ရာ မဲဆန္ဒနယ်မြေများမှ ပြည်သူတို့၏ မဲပြားများရရှိနိုင်ရေးအတွက် အချိန်မလင့်သေးခင် ကြိုတင် ပြင်ဆင်သင့်ပေသည်။

နိုင်ငံ့အရေးအရာကို လုပ်ဆောင်နေသော နိုင်ငံရေးသမားဟူသည် မိမိအကျိုးထက် ပါတီအကျိုး၊ ပါတီအကျိုးထက် ပြည်သူ့အကျိုးကိုသာ ရှေ့ရှုရန် လိုအပ်ပါသည်။ သို့အတွက်ကြောင့် ကရင်တိုင်းရင်းသား နိုင်ငံရေးပါတီများသည် လည်း မိမိပါတီအကျိုးထက် မဲဆန္ဒရှင်များ ဖြစ်ကြသော မိမိတို့ တိုင်းရင်းသားပြည်သူများ၏ ကောင်းကျိုးကိုသာ ရှေ့ရှုပါက ၂၀၂၀ ရွေးကောက်ပွဲအတွက် ကရင်ပါတီအချင်းချင်း ပေါင်းစည်းရေးနှင့် ညှိနှိုင်းရေးလမ်းစ ဖော်ဆောင် ရန် အချိန်တန်ပြီဖြစ်ကြောင်း တိုက်တွန်းလိုပါသည်။