(ခေါင်ဆူလိုင့်)
သွေးတစ်စက် ပေးဆပ်ခဲ့ပြီ
ဆယ့်တစ်နှစ်တဲ့ လွန်မြောက်ခဲ့ရ ကျဆုံးမှုကာလ
အမည်ကတော့ ရှင်သန်ဆဲ
ဘာတဲ့လဲ မန်းရှာ
နမ့်ကျင်ရွှေဟာ သူ့ဇနီး
သားကြီးက စေးစေးဖန်း
သားထွေးက စလုံ့ဖန်း
ဘွားဘွားဖန်းက သမီးကြီး
ရေဆန့်သမီးငယ် ဇိုယာဖန်း
လန်းဆန်းဆဲ ဖန်းဖောင်ဒေးရှင်းနဲ့
ကရင်လူငယ်မောင်မယ်ထုရဲ့ ခွန်အားဟာ
ကရင့်အနာဂတ်ရယ်ပါ …
လူငယ်ထုရဲ့လုပ်အားဟာ ကရင်လူမျိုးအတွက်ပါ …။
၂၀၀၈ ချစ်သူများနေ့မှာ
မုန်းသူများရဲ့ကျည်ဆံ သူ့ရင်ကိုခွင်းစေခဲ့တယ်
မေ့ဖျောက်မရနိုင်အောင် ရတက်ပွေ
မန်းရှာရေ လွမ်းမပြေတော့ဘူး
ရင်ကိုစူးတဲ့ ကျည်သုံးတောင့်
ပျောက်ပျက်မသွား လူငယ်တိုင်းရဲ့နှလုံးသား
နာကျင်မှုများကို ခွန်အားစွမ်းပကားအဖြစ်
အသုံးချတတ်နိုင်မယ်ဆိုရင်
ကရင်လူငယ်မောင်မယ်များတို့ရေ
ချစ်စကိုရှည်စေ မုန်းစကိုတိုစေမို့
တို့တတွေ သိုးငယ်တွေလို ဖြစ်မနေဘဲ
ခြသေင့်္မင်းနှယ် အားအင်အပြည့်နဲ့
တက်ကြွတဲ့ အနာဂတ်ကို တည်ဆောက်သွားကြပါစို့ … ။
(ချစ်တဲ့သူတွေ ချစ်ခင်ကြင်နာမှု ပြည့်လျှမ်းနေကြတဲ့ ကမ္ဘာ့ချစ်သူများနေ့ ဖေဖော်ဝါရီလ ၁၄ရက်နေ့သို့)