မတ်လ ၃၁ရက်၊ ၂၀၁၂။ စောလားကပေါ် (အလွတ်သတင်းထောက်)
ရန်ကုန်တိုင်း၊ မဂင်္လာတောင်ညွှန်ြ့မို့နယ် အမျိုးသားဒီမိုကရေစီအဖွဲ့ချူပ် ပြည်သူ့လွှတ်တော်ကိုယ်စားလှယ်အဖြစ် ဝင်ရောက်ယှဉ်ပြိုင်မည့် ဒေါ်ဖြူဖြူသင်းက မတ်လ ၃ဝရက်နေ့ညနေပိုင်းတွင် ပြည်သူများအား ဖျော်ဖြေရေးကားဖြင့် လှည့်လည်နှုတ်ဆက်ခဲ့သည်။
“ကျမ အခုလို ပြည်သူတွေကို ဖျော်ဖြေရေးကားနဲ့ လိုက်ပြီး နှုတ်ဆက်ရတာကတော့ ပြည်သူတွေကို ကျေးဇူးတင်လို့ပါ။ ဒီ ၃ဝရက်နေ့ည က နောက်ဆုံးမဲဆွယ်တဲ့အနေနဲ့ လုပ်တာပါ။ မိဘပြည်သူတွေအနေနဲ့ မနက်ဖြန်မှာ အေးအေးဆေးဆေး အနားယူပြီးတော့ ဧပြီ ၁ရက်နေ့ ကျရင် မဲလာပေးဖို့မမေ့ပါနဲ့လို့ ပေးရင်လည်း ကျမကိုပဲ ပေးပါလို့ မေတ္တာရပ်ခံချင်ပါတယ်။”ဟု ဆိုသည်။
အဆိုပါဖျော်ဖြေရေးကား လှည့်လည်ရာနေရာတိုင်းတွင် ပြည်သူလူထုက တခဲနက် ကြိုဆိုခဲ့ကြပြီး ယာဉ်ကြောပိတ်ဆို့မှုများ ဖြစ်ပွားခဲ့ သော်လည်း မတော်တဆ ထိခိုက်မှု လုံးဝ မရှိခဲ့ကြောင်း သိရသည်။
“ဗိုလ်မင်းရောင်လမ်းကိုရောက်တော့ ည ၈နာရီကျော်နေပြီး။ ပြည်သူတွေက လမ်းတစ်လျှောက် လိုက်လာတာ လူဦးရေ နှစ်သောင်း လောက် ရှိတယ်။ ဒီတော့ ကား လုံးဝသွားလို့ မရတော့ဘူး။ လမ်းပိတ်သွားတယ်။ လမ်းဘေး ခြောက်ထပ် ရှစ်ထပ် တိုက်တိုင်းလိုလိုက ဝရံတာကနေထွက်ပြီး လက်ခုပ်တီး ကြိုဆိုကြတယ်။ ဖျော်ဖြေရေးယာဉ် အောင်ဆန်းကွင်းနဲ့ ရန်ကုန်ဘူတာကြီးရောက်တော့ လူ ငါး သောင်းလောက် ရှိတယ်။ အဲ့ဒီမှာ အဆိုတော်တစ်ချို့က ဆက်ပြီး ဖျော်ဖြေတယ်။ ည ၁၂နာရီလောက်မှ ပြီးသွားတယ်။”ဟု ကိုယ်တိုင် လိုက်ပါခဲ့သူ ပြည်တွင်းသတင်းထောက်တစ်ဦးက ဆိုသည်။
“အခုလို ပြည်သူတွေ တစ်ခဲနက်အားပေးတာ တွေ့ရတော့ ဧပြီတစ်ရက်မှာ ကျမ အဖြေစောင့်စရာမလိုတော့အောင် အားရှိသွားပါ တယ်။”ဟု မဖြူဖြူသင်းက ဆိုသည်။