အခြေအနေ အချိန်အခါမှာ
နေသာတခါ၊ မိုးရွာတလှည့်ရှိမယ်။
ရဲရင် တိုက်ကြစမ်းကိုယ့်လူ
ရဲသူအတွက် အောင်ပွဲဘဲ
ငရဲဆိုတာမရှိဘူး။
ပဒေသာပင်မြေကမပေါက်နိုင်
ထိုင်ဆုတောင်းနေယုံမပြီးသေးလေ
မိုးကျရွှေကိုယ်တွေလည်းမရှိတဲ့ကမ္ဘာ
အကြောင်းရာတွေဟာလုပ်မှဖြစ်တဲ့အတွက်
အနီးကပ်စောင့်ကြည့်ယုံနဲ့မပြီး
လုံချည်ခြုံထဲက လက်သီး
အချည်းအနှီးသာဖြစ်တယ်။
သိက္ခာ၊ အာဏာ၊ ရာထူးတွေငဲ့နေလား
မှင်တက်နေတာလား၊ ကြောင်နေသလား
ဝေဝါးဝါးအတွေးအခေါ်ချော်ချော်
တော်လှန်ရေးမလုပ်စေချင်
“သေရင်မြေကြီး၊ ရှင်ရင်ရွှေထီး”
ဒီကန္တာ၊ဒီခရီး၊ ဒီမီး
အသည်းကြီးကြီး၊ ဇွဲကြီးကြီး
ရင်းနှီးမှဖြစ်နိုင်တယ်။
ဝါးလုံးခေါင်းထဲ “လ”မသာဘူး
ပခုံးပြောင်းတာဝန်တွေယူ
နှလုံးကောင်းသူတွေလာကြပြီ
ကိုးဒီသွေးတွေနီရဲစွာ
ထော့မဲပါမြေးတွေအမှန်ပင်မို့
မှတ်ကျောက်တင်ခံဖို့လိုနေပြီ။
(လကင်္ာဒီပ)
နိုဝင်ဘာ ၁၁၊ ၂၀၁၀
မှတ်ချက်-လကင်္ာဒီပသည် ကေအိုင်စီ၏ ပင်တိုင်ကဗျာရေးသားသူတစ်ဦးဖြစ်သည်။
