Home ကဗျာ မြစ်တို့၏မာယာ

မြစ်တို့၏မာယာ

1086

ငြိမ့်ငြိမ့်လေးထင်ရနေ
စိမ့်စိမ့်လေးလား၊ ဝါးမျိုသွားပေ
မြေရှင်တွေ၊ ပဒေသရာဇ်လို
မျိုးချစ်ကမ်းပါးတွေကို၊ သူတိုက်ဖြိုသွားကြ။

တလိမ့်လိမ့်ဝင်ရော
တွေးတောမဆစ်၊ သွေးနှောစနစ်တွေ
ငါ့လယ်မြေစပါး၊ မြစ်ရေများနဲ့
ကမ်းပါးလွန်သူဖျက်ဆီး။

ဖားဖားချင်း၊ ငါးငါးချင်း
ဓားဓားချင်း၊ ဖြေရှင်းတဲ့စနစ်
မဟာခေတ်တွေက လာကြတယ်လေ။

နိုင်ငံရေး၊ လူမျိုးရေး
ပညာရေး၊ စီးပွားရေးမှာ
တွေးမတတ်၊ ရေးမတတ်
ဘေးကြပ်အောင်ထား၊ လုံးပါးပါးစေ
မဟာရူးတွေ ကြံစည်ခဲ့ကြပေါ့။

ကြိုးတူမျိုးရင်း၊ မောင်မယ်ချင်းတွေ
သတိနေထား၊ မှတ်သွားကြလေ
မြစ်တွေဓလေ့၊ အရှေ့အနောက်
ကွေ့ကောက်ခိုဝင်၊ တသွင်သွင်မျော
ညှင်ညှင်သောရာ၊ ဝဲပေါပါဘိလေ။

အပယ်တံခါးခေါက်သလို
နယ်ခြားစောင့်ဘဝမှာ
တောင့်တစရာ၊ ဘာကျန်မှာလဲ
မြစ်ဝဲဂယက်၊ နှစ်ဆွဲသတ်မှာမို့
မြစ်မာယာ၊ စစ်မာယာကြား
တို့ကို ပစ်ခွာမသွားနဲ့သူငယ်ချင်း။

(လင်္ကာဒီပ)