(လကင်္ာဒီပ)
ရန်ညိုးအာဃာတ မာနဖွဲ့တည်
ချည်နှောင်မှုမမြဲ ကွဲခဲ့ကမ္ဘာ
သံသာလေကမ်း လမ်းခွဲရှာသူတွေ
လူမျိုးမထောက် ရူးဘုံမြောက်ကြသတဲ့
ကျည်းတန်တဲ့ဖြစ်ရပ်များ။
သမိုင်းမလှ မိုက်မဲနေ
ဂိုဏ်းဂဏတိုက်ပွဲတွေနဲ့
ပွေလီတဲ့ မီးပင်လယ်
သေပြီးဟဲ့ ခရီးစဉ်ကျယ်မှာ
မျက်နှာမွဲ ရင်သွေးများအရေး
ဟင်း.. စဉ်တွေးမထားပေရော့လား။
ရွာစွန်မြေမနီးဝေး
တာဝန်တွေ မပြီးသေးခင်မှာ
တခါတခါ ဟီးမြည်တတ်
ဖားစည်ခတ်သံကြား
ရှင်တော်ဘုရားရေ…
အရှင့်ခြေတော်ရင်းထံ
အရောက်ပြန်ခဲ့ချင်ပါပေါ့။ ။
